25 qazanda Atyraý qalasynda júrý jıiligi bir kúnge qysqarǵan «Astana-Atyraý» jańa poıyzynyń ekinshi quramyn saltanatty túrde qarsy aldy.
Astana vokzalynyń perronynan 24 qazanda «Astana – Atyraý» qatynasymen júretin jańa júırik poıyz jolǵa shyqty. Kelesi kúni ol munaıshylar astanasyna kelip jetti. Jalpy, jolda júrý ýaqyty Astanadan Atyraýǵa deıin 22 saǵat 57 mınýtty jáne qaıtarda 22 saǵat 15 mınýtty quraıdy. Poıyz 27 vagonnan turady, onyń ishindegi 22 vagony jolaýshylardy tasymaldaýǵa arnalǵan.
25 qazanda Atyraý qalasynda júrý jıiligi bir kúnge qysqarǵan «Astana-Atyraý» jańa poıyzynyń ekinshi quramyn saltanatty túrde qarsy aldy.
Astana vokzalynyń perronynan 24 qazanda «Astana – Atyraý» qatynasymen júretin jańa júırik poıyz jolǵa shyqty. Kelesi kúni ol munaıshylar astanasyna kelip jetti. Jalpy, jolda júrý ýaqyty Astanadan Atyraýǵa deıin 22 saǵat 57 mınýtty jáne qaıtarda 22 saǵat 15 mınýtty quraıdy. Poıyz 27 vagonnan turady, onyń ishindegi 22 vagony jolaýshylardy tasymaldaýǵa arnalǵan.
«Ekspress» fılıalynyń dırektory Shamıl Qojabekov aıtqandaı, «Tulpar-Talgo» vagondary joǵary jaılylyǵymen erekshelenedi, Qazaqstannyń aýa raıyna beıimdelip ázirlengen arnaıy jańa tehnologııalardy qoldana otyryp jeńil konstrýksııadan jasalǵan. Olarda ortalyqtandyrylǵan energııamen qamtamasyz etý, aýany qalypqa keltirý júıeleri, qaýipsizdikti baqylaýdyń elektr júıesi bar. Sonymen qatar, olar bıoájethanalardy vakýýmdyq tazartý júıesimen de jabdyqtalǵan.
– Jaılylyǵy men jaqsy qyzmet kórsetýdi erekshe atap ótkim keledi, – deıdi Atyraý qalasynyń turǵyny, jolaýshy Bibigúl Tapalova. – Men plaskart vagonymen keldim, maǵan óte unady. Barlyq turmystyq jaǵdaılar kózdelgen. Kilem tóselgen, jyly, jaıly. Taǵy bir artyqshylyǵy – jyldamdyǵynda. Endi Astanaǵa baryp qaıtýǵa men az ýaqyt jumsaımyn, jáne de eń bastysy, jaıly jol júremin. Al osy jolǵy saparym tek qana jaqsy áser qaldyrdy. Otanymyzda poıyzdar jasalyp, shyǵarylatyny qandaı jaqsy boldy. Temir jol basshylarynyń adamdar úshin jaǵdaı jasap otyrǵany sezilip otyr.
Vagondar «Jolaýshylar tasymaly» AQ jyljymaly quramyn jańartý jáne tehnıkalyq resýrsyn arttyrý baǵdarlamasyn iske asyrý aıasynda satyp alyndy. Osy atalǵan baǵdarlamaǵa sáıkes Astana qalasyndaǵy «Tulpar-Talgo» zaýytynda 2014 jylǵa deıin 420 jolaýshylar vagony jasalatyn bolady.
Amangeldi ZAMANBAEV.