Qazaqstannyń Tuńǵysh Prezıdenti – Elbasy Nursultan Nazarbaevtyń baspasóz qyzmeti Konstıtýsııa kúnine oraı Instagram-daǵy paraqshasynda 25 jyl burynǵy vıdeony jarııalady, dep habarlaıdy Egemen.kz
"Osydan 25 jyl buryn dál osy kúni Qazaqstan Respýblıkasynyń Konstıtýsııasyn qabyldaý týraly respýblıkalyq referendým ótti. Daýys berýden keıin Nursultan Nazarbaev baspasóz máslıhatyn ótkizip, otandyq jáne sheteldik jýrnalısterdiń suraqtaryna jaýap berdi. Al bir aptadan soń, 1995 jyly 6 qyrkúıekte N.Nazarbaev jańa Konstıtýsııanyń resmı tanystyrylym rásimine qatysty. Ortalyq saılaý komıssııasynyń tóraǵasy Iý.A.Kım "1995 jylǵy 30 tamyzda ótken respýblıkalyq referendýmda Qazaqstan Respýblıkasynyń Konstıtýsııasyn qabyldaýǵa daýys berý nátıjeleri týraly" qaýlyny oqyp, N.Á.Nazarbaevqa elimizdiń jańa Ata Zańynyń mátininiń túpnusqasyn tapsyrdy", delingen Instagram-daǵy jazbada.