COVID-19-ben qaıtalap aýyrý álemniń birneshe elderinde tirkelgeni jaıly RBK jáne REGNUM habardar etedi, dep jazady Egemen.kz
AQSh-tyń Nevada shtatynyń 25 jastaǵy turǵyny COVID-19-dy qaıtalap qalǵan. Iel ýnıversıtetiniń ımmýnobıologııa jáne molekýlalyq bıologııa salasy boıynsha mamany Akıko Ivasakı óziniń Twitter-degi paraqshasynda pasıenttiń araǵa 48 kún salyp vırýs qarmaǵyna qaıta túskenin jazypty. Ivasakı nevadalyqtyń aǵzadaǵy qorǵanysh qyzmeti ony qorǵap qala almaǵanyn, ekinshi retinde aýrýdyń aýyryraq júrgenin habarlaǵan.
Eger esterińizde bolsa, budan buryn Qytaıda da KVI-den qaıtalap aýrý tirkelgeni jaıly jazǵan edik. Al endi Eýropada eki, Gonkogte bir ret qaıtalaý anyqtaldy.
Gonkongtegi 33 jasar er adam COVID-19-men 4 jarym aı buryn aýyryp jazylyp shyqqan eken. Dárigerler onyń qaıtalap vırýs shyrmaýyna túsýin Ispanııaǵa barǵan saparyna baılanysty deıdi. О́ıtkeni bul jolǵy vırýs shtammy alǵashqysynan ózgeshe, Eýropada shilde-tamyz aılarynda bılik júrgizgen vırýs shtammyna óte uqsas degen uıǵarym ustanyp otyr.