Jambyl oblysynyń ákimi Berdibek Saparbaev Taraz qalasyndaǵy aqyl-oıynyń damýynda kemistigi bar balalarǵa arnalǵan arnaıy mektep-ınternatyna barǵan bolatyn. Jaqynda ǵana mektep nysanyna japsarlas boı kótergen ǵımarattyń qurylysy aıaqtalǵan. Alaıda, jańa ǵımarattaǵy sportzal, tigin jáne aǵash sheberhanalary áli bos tur eken. Bastapqy jobalaý kezinde jıhaz ben jabdyq satyp alýǵa qarajat bólinbegen. Jaýapty basshylardyń eshqaısysy atalǵan máselege ýaqytyly nazar aýdarmaǵan bolyp shyqty. Berdibek Saparbaev bilim basqarmasynyń basshylyǵyna eskertý jasap, mundaı mańyzdy iste kemshilikterge jol berilmeý kerektigin atap ótti, - dep habarlaıdy Egemen.kz.
Mektep-ınternattyń jumysy týraly dırektordyń mindetin atqarýshy Lıza Attybaeva jan-jaqty baıandady. Munda erekshe bilim berýdi qajet etetin 210 bala oqıdy eken. Olarǵa bilikti mamandardyń keshendi kómekteri kórsetiledi. Psıholog, defektolog, logoped, áleýmettik pedagogtardan quralǵan kásibı mamandar qatary balalardyń densaýlyǵyn túzetý maqsatynda jumys atqarýda.
Al, "Injý" mektep-gımnazııanyń dırektory Janna Mádimarovanyń aıtýynsha, mektepte sabaqtar qashyqtyqtan jáne dástúrli túrde de bilim alady. Dırektordyń aıtýynsha, muǵalimder men mektep jańa oqý jylyna daıyn eken. Berdibek Saparbaev mektep ǵımaratynyń qabyrǵasyndaǵy motıvasııalyq jáne tanymdyq kartınalarǵa da aıryqsha nazar aýdardy. Ol muǵalimderdiń oqý-tárbıe jónindegi shyǵarmashylyq kózqarastaryn joǵary baǵalap, Taraz qalasynyń ákimi Aıtqazy Qarabalaevqa bul tájirıbeni basqa mektepterge de qoldanýdy tapsyrdy.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.