Karantın talaptaryn buzyp, qyz uzatý uıymdastyrǵan turǵyn jaýapqa tartyldy, – dep habarlaıdy Egemen.kz Polisia.kz saıtyna silteme jasap.
"29 tamyzda Shymkent qalasy Polısııa departamentiniń ýchaskelik polısııa ınspektorlary Qarataý aýdanynyń aýmaǵyndaǵy úıde qyz uzatý toıy bolyp jatqanyn anyqtady. Jergilikti turǵyndar qalanyń bas dárigeriniń qaýlysynda kórsetilgen karantındik talaptardy buzǵan. Jaıt boıynsha jınaqtalǵan is-qujattar Taýarlar men kórsetiletin qyzmetter sapasyn baqylaý basqarmasyna QR ÁQBtK-niń 425-babymen zańdy shara qoldaný úshin joldandy", - delingen habarlamada.