Shal aqyn aýdanynda qarýdy zańsyz saqtaýdyń bir faktisi anyqtaldy. Aýdan ortalyǵy Sergeevka qalasynyń 60 jastaǵy turǵynynyń ýaqytsha turýǵa arnalǵan japsarlas úı-jaıynan markasy belgisiz sholaq myltyq tabyldy. Iesi qarý týraly eshteńe bilmeıtinin aıtyp, qarýdyń osy úı-jaıda uzaq ýaqyt boıy turǵan qaıtys bolǵan ulyna tıesili bolýy múmkin ekenin jetkizgen.
Qazir atalǵan fakti sotqa deıingi tergep-tekserýdiń biryńǵaı tizilimine engizilgen. Sonymen birge bul qarýdyń basqa qylmystarǵa qatystylyǵy tekseriledi. Myltyqtyń uńǵysy arnaıy kesilip, yqshamdalyp ustalǵanyna qaraǵanda onyń qylmysty isterge qatysty bolǵandyǵy sezilip tur. Ony endi ballıstik saraptama anyqtaıdy. Sonymen birge úı-jaıyndaǵy tirkelmegen qarýdy jasyryp kelgen úı ıesi de jaýapkershilikten jaltara almasy belgili. «Qarý saqtaǵan adam zańdy bilmeıtindigin aıtyp jaltarǵysy keledi. Alaıda zańdy bilmeý jaýapkershilikten bosatpaıdy. Tirkelmegen qarýdy anyqtaǵan jaǵdaıda ol shuǵyl polısııaǵa habarlaýy qajet edi. Qazir polısııa qyzmetkerleri qarýdy tárkiledi», dedi aýdandyq PB bastyǵynyń orynbasary, polısııa maıory Bekjan Qarshalov.
Jalpy jyl basynan beri SQO-da osyndaı 18 fakt tirkelgen.
Soltústik Qazaqstan oblysy
Shal aqyn aýdany