Týrıstik vızıt-ortalyq ashylady

Máselen, Mádenıet jáne sport mınıstrligi men Mań­ǵys­taý oblysy ákimdigi birlese júzege asyrǵan Jol kartasy jo­basy aıasynda 8 nysan men 12 sanıtarlyq-gıgıenalyq to­raptyń qurylysy bastalyp, taǵy 10 ın­fra­qurylym nysanynyń qu­rylysy jos­parlanǵan. Qabyl­danǵan sharalar aımaq aýmaǵynda Rixos Water World Aktau sııaqty jobalardy iske asyrý úshin ınves­torlardy tartýǵa múmkindik be­redi. Qalanyń kýrorttyq ke­shenderiniń qarqyndy damýy jaqyn arada sheteldik jáne otandyq jaǵajaı demalysyn unatýshylar aǵynyn edáýir arttyratyny josparlanǵan.

«Rixos Aktau kýrorttyq qo­naqúıi destınasııa týr­potensıalyn múldem basqa deń­geıge shyǵardy. Bul rette ın­vestorlar jaǵalaý aýmaǵyn odan ári keshendi damytýdy josparlap otyr. Búkil keshendi iske asyrý Aqtaý qalasynyń ǵana emes, eldegi barlyq kýrorttyq de­malys ındýstrııasynyń kóz­qarasyn ózgertedi. Mańǵystaý oblysyndaǵy týrızmniń áleýetin ashý týrıstik aǵyn men tabys­ty arttyrý úshin óte mańyzdy. Ja­ǵajaı tý­rızmi – damýdyń jalpy tujy­rym­damasyndaǵy «alyp», al biregeı tabıǵı jáne tarıhı-má­denı eskertkishter týrısterge arnalǵan usynystardyń sanyn kóbeıtýde jáne sapasyn jaqsartýda sheshýshi ról atqarýy kerek. О́ńirdiń damyp kele jat­qan jol jelisi qazirdiń ózinde kóptegen týrıstik qyzyǵýshylyq týdyratyn oryndarǵa jaıly saparlardy uıymdastyrýǵa múm­kindik beredi», dep atap ótti vıse-mınıstr О́.Bısaqov.

Shynynda da, keıingi jyldary Mańǵystaý túbegi belsendi saıahat segmentinde týrısterdi kó­birek qabyldaıdy. Ásirese, qa­sıetti jerlerge jol salatyn týrısterdiń sany kóp. Osyǵan baılanysty kórikti jerlerdi saqtaý máselelerine kóp kóńil bólinýi tıis.

Kazakh Tourism basqarma tóraǵasy Erjan Erkinbaevtyń aı­týynsha, Bozjyra, Jyǵylǵan, Qapamsaı, Torysh, Sherqala, Aıraqty-Shomanaı – biregeı ta­bıǵı nysandar. Osy obek­tilerdiń aınalasynda durys tý­rıstik ınfraqurylymdy da­my­týdy jáne halyqaralyq deń­geıdegi týrıstik ónimderdi qu­rýdy bastaý qajet.

– Úlken qashyqtyqty eskere otyryp, eń aldymen tanymal obektiler aýdanyndaǵy vızıt-or­talyqtar jelisin damytý, son­­daı-aq týrısterdiń tú­neýine arnalǵan oryn­dar uıym­­dastyrý qajet. Bul glem­pıng, kempıng, shatyrly qala­shyq­tarǵa arnalǵan oryndar, qonaqúıler bolýy múm­kin. Atalǵan obek­tiler­diń ba­za­synda baqylaý alań­dary, djıp/baggı/moto týr­lar, balyq aýlaýdy uıym­das­tyrý, túıe fer­malaryna, etno-aýyldarǵa barý jáne t.b. jaıaý marshrýt­tar odan ári damı alady. Áıt­pese týrısterdiń teris áser­li aǵyndarynyń saldary tek zııan keltiredi. Mundaı jaǵ­daı­da týrıst bir saparda bir­den bir­­neshe nysandy aralap, ilespe qyzmetterdiń barlyq spektrin ala alady.

Mańǵystaý oblysy ákiminiń oryn­basary Ǵalymjan Nııazov bizdiń óńir – qyzyqty tarı­hı-mádenı nysandardyń, land­­­­shaftardyń, zııarat etý ory­darynyń alýan túrlili­gimen, salt-dástúrlerge berik us­taný­shylyǵymen erek­shelenedi deıdi. Sondaı-aq ol óńirdiń aýmaqtyq ornalasýy, Kaspıı teńizi arqyly birden bes shet memleketpen shektesý arqyly kóp mıllıondyq áleýetti naryq ekenin eske saldy. «Sondyqtan óńir sońǵy jyldary óziniń týrıs­tik áleýetin barynsha iske asyrǵysy keledi. Biz usynys­tarǵa ashyqpyz», deıdi Ǵ.Nııazov.

Sala ókilderi bas qosqan eki kúndik qarqyndy jáne jemisti jumys barysynda kóshpeli ke­ńeske qatysýshylar orta mer­zimdi mindetterdiń vektoryn anyqtady, olardyń ishinde, my­­saly, vızıt-ortalyqtardy óńirdiń negizgi týrıstik destınasııalaryna ornalastyrý. Bul habardy nazarǵa alǵan kezdesýlerge belsendi qatysqan bıznes ókilderi osyndaı eki vı­zıt-ortalyqtyń qurylysyna qara­jat salýǵa nıet bildirdi.