Bıyl oblys boıynsha 184,2 myń gektarǵa aýyl sharýashylyǵy daqyldary ornalastyryldy, dep habarlaıdy Egemen.kz Qyzylorda oblysy ákiminiń baspasóz qyzmetine silteme jasap.
Oblysta egisti ártaraptandyrý baǵytynda alǵash ret perspektıvaly daqyldar qant qumaıy 70 gektarǵa, soıa 240 gektarǵa, júgeri daqyly 1 667 gektarǵa deıin jetkizilip, ylǵal saqtaǵyshakvagelderdi paıdalaný arqyly 80 gektar bogarly jerlerge kúzdik bıdaı daqyly egildi.
Jalpy egilgen aýyl sharýashylyǵy daqyldarynan joǵary ónim alý maqsatynda59,8 myń tonna mıneraldyq tyńaıtqyshtar,74,6 myń lıtr gerbısıdter satyp alynyp, kúrish egistikteriniń 65,6 myń gektary aram-shópterine qarsy óńdelip, 67,5 myń gektary tyńaıtqyshtarmen tolyq qorektendirildi.
Qazir kúrishten basqa erte egiletin dándi daqyldar tolyǵymen jınalyp, maıly jáne mal azyqtyq daqyldary men kartop, kókónis, baqsha daqyldaryn jınaý jumystary júrgizilýde.
Egin jınaý jumystaryna qatysatyn tehnıkalar tolyq daıyn. Egin jınaýǵa 1640 dana traktor, 843 dana kombaın, 458 dana jatka, 308 dana júk kóligi jáne 764 dana traktor tirkemesi qatysýda.
Kúzgi egin jınaý jáne dala jumystaryn júrgizý úshin 12,5 myń tonna arzandatylǵan dızel otyny bólindi. Operatorlar dızel otynynyń ár lıtrin 165 teńgeden jetkizýde.
Búginde kúrish tanaptarynan sý tartýdyń bekitilgen kestesine sáıkes 89,4 myń gektar nemese jalpy kúrish egisiniń 99,8 paıyzynyń sýy baılandy.
Oblysta kúrishke oraq salý jumystary 22 tamyzdan bastaldy. Búgingi kúni 9766 gektar kúrishke oraq salyndy. Ár gektarynan ortasha 45,6 sentnerden ónim alynýda.
Jalpy mamandardyń boljamyna sáıkes, bıylǵy jyly jınalatyn ónim ótken jylǵy kólemnen kem bolmaıdy.Egin jınaý jumystaryn 15 qazannan keshiktirmeı tolyq aıaqtaý kózdelip otyr.