3 qyrkúıekte "Qarasora" jedel profılaktıkalyq is-sharasy kezinde Qyzylorda oblysy Polısııa departamenti Jańaqorǵan aýdandyq polısııa bóliminiń qyzmetkerleri Kelintóbe aýylynyń batys betindegi qumnyń arasyna eki esirtki alqabyn anyqtady, dep habarlaıdy Egemen.kz.
"Qaraoı" dep atalatyn qumdy daladaǵy 20 sottyq jerden 5032 túp sora alyndy.
Kúdikti retinde oqıǵa basynda úsh azamat ustalyp otyr. Olardyń bireýi Almaty qalasynyń, qalǵandary Qyzylorda oblysynyń turǵyndary bolyp shyqty.
Qazir kúdiktiler Jańaqorǵan APb-niń ýaqytsha ustaý abaqtysyna qamaqqa alyndy. Bul derek boıynsha Qazaqstan Respýblıkasynyń Qylmystyq kodeksiniń 300-baby 2-bóliginiń 3-tarmaǵymen sotqa deıingi tergep-tekserý amaldary júrgizilýde.