9 qyrkúıek kúni SQO-nyń Aqqaıyń aýdany polısııa bóliminiń kezekshisine Qııaly jáne Smırnovo aýyldarynyń arasyndaǵy "Jańa jol" temirjol ótkelinde K-700 traktory synyp, turyp qalǵandyǵy jóninde habarlama kelip tústi, dep habarlaıdy Egemen.kz.
Oqıǵa ornyna aýdandyq polısııa qyzmetkerleri jetti.
Aýdandaǵy jaýapkershiligi shekteýli seriktestiń birinde jumys isteıtin 38 jastaǵy jumysshynyń traktordyń tirkemesimen aýdan ortalyǵyna bıdaı tasymaldap júrgeni anyqtaldy. Kólik temirjol ótkelinen óte bergen kezde tirkemesiniń artqy dóńgelegi kenetten bilekten ajyratylyp ketken. Bilek ótkelge qysylyp qalyp, traktor qozǵalysyn jalǵastyra almady. Atalǵan temirjol ýchaskesi arqyly jolaýshylar poıyzdary jıi ótetindikten, temirjolshylar jáne seriktestik jumysshylarymen shuǵyl is-sharalar uıymdastyrylyp, K-700 traktory joldan áreń degende súırep áketildi. Saǵat 22-den asqanda toqtatylǵan "Almaty-Petropavl" baǵytyndaǵy 15-shi jolaýshylar poıyzy qozǵalysyn jalǵastyrdy.
Ertesine temirjolshylar ótkeldiń ústin jóndeýge kiristi. K-700 traktorynyń júrgizýshisine qatysty Ákimshilik quqyq buzýshylyq týraly Kodekstiń "Qujattary joq jáne basqarý quqyǵyjoq adamnyń kólik quralyn basqarýy" baby jáne "Joldardy, temirjol ótpelerin jáne basqa jol qurylystaryn búldirý" baby boıynsha materıaldar jınalýda. Keıin ol sotqa joldanatyn bolady.
Soltústik Qazaqstan oblysy