Jambyl oblysynyń 30 jastaǵy turǵynynan jeti keliden astam marıhýana tabyldy, dep habarlaıdy Egemen.kz Polisia.kz-ke silteme jasap.
Aǵymdaǵy jyldyń 6 qyrkúıeginde "Qarasora-2020" jedel-aldyn alý is-sharasy barysynda Jambyl oblysynyń PD EBQIQB qyzmetkerleri Merki aýdany, Tátti aýylynyń mańyndaǵy qumǵa jaqyn aýmaqta 30 jastaǵy er adamdy qolǵa túsirdi.
Odan jeti keliden astam keptirilgen marıhýana tabyldy. Ustalǵan azamat kinásin moıyndap, Merki aýdanynyń ýaqytsha ustaý ızolıatoryna qamaqqa alyndy. Atalǵan derekke qatysty QR QK 296-babynyń 4-bóligi boıynsha sotqa deıingi tergeý amaldary júrgizilýde.