Qazaqstandyq joǵary oqý oryndarynyń dıplomdary Eýropa elderinde jaramdy bolady, dep habarlaıdy Egemen.kz mınıstrliktiń baspasóz qyzmetine silteme jasap.
Qazaqstandyq joǵary oqý oryndary túlekteriniń biliktiligi eýropalyq biliktilik sanatymen sáıkes keledi. Qazaqstan Respýblıkasynyń Joǵary bilim berý ulttyq biliktilik sheńberiniń ózdiginen sertıfıkattaý boıynsha esebin Bolon prosesiniń hatshylyǵy qabyldady.
2021 jyldan bastap elimizdegi joǵary oqý oryndarynyń túlekterine eýropalyq standarttarǵa sáıkes jańartylǵan qosymshalary bar dıplom (Diploma Supplement) beriledi. Iаǵnı elimizdegi joǵary oqý oryndarynyń dıplomdary Eýropa elderinde jaramdy bolady. Bul sheteldik azamattar tarapynan qazaqstandyq joǵary bilimge degen qyzyǵýshylyqty arttyrady.