16 qyrkúıek kúni polısııaǵa alaıaqtyq deregi boıynsha 41 jastaǵy azamatsha aryzdandy. Jábirlenýshi aryzynda 2015 jyly óziniń "Neksııa" avtokóligin kepilge qoıyp, qala turǵynynan 300 000 teńge aqsha alǵanyn, biraq qaryzyn áldeqashan qaıtarsa da áli kúnge deıin kóligin qaıtyp ala almaı júrgenin jazady, dep habarlaıdy Egemen.kz
Aryzǵa baılanysty oblystyq Polısııa departamentiniń qyzmetkerleri jedel-izdestirý sharalaryn júrgizip, nátıjesinde Qyzylorda qalasynyń 37 jastaǵy turǵyny ustaldy. Tergeý barysynda kúdikti kinásin moıyndap, oǵan qatysty "eshqaıda ketpeý jáne ózin durys ustaý týraly qolhat" túrindegi bultartpaý sharasy qoldanyldy.
Qazirgi ýaqytta Qazaqstan Respýblıkasy Qylmystyq kodeksiniń 190-babynyń 1-bóligimen sotqa deıingi tergep-tekserý amaldary júrgizilýde.