Búgin Soltústik Qazaqstan oblysynyń Qyzyljar aýdanynyń aýmaǵynda Petropavldan Esil aýdanyna kómir apara jatqan 38 jastaǵy jigit júrgizýindegi "KamAZ" avtomobıliniń tirkemesi aýdarylyp qalyp, jolǵa jáne jol jıegindegi temir qorshaýlarǵa zaqym keltirdi, dep habarlaıdy Egemen.kz
Aıtýyna qaraǵanda ol aldynda júrip bara jatqan avtomobıldiń baǵdarshamǵa shuǵyl toqtaǵanynda oǵan soǵylyp qalmas úshin mashınasyn jedel buryp, toqtatqanynda ústine kómir toltyrylǵan tirkeme aýdarylyp qalǵan.
Oqıǵa ornyna kelgen Qyzyljar aýdany polısııa bólimi quramyndaǵy ákimshilik polısııanyń ınspektory jol-kólik oqıǵasy boıynsha materıal jınap, apattyń saldaryn joıý úshin jedel túrde tıisti sharalar qabyldady. "Qazaqavtojol" JShS-nyń jumysshylary birneshe saǵat ishinde zaqymdanǵan qorshaýlardy qalpyna keltirdi. Ákimshilik quqyq buzýshylyq týraly Kodekstiń 610-baby boıynsha jınalǵan ákimshilik materıal shyǵyn kólemi anyqtalǵan soń sotqa jiberiledi.
Soltústik Qazaqstan oblysy