Egıpettiń týrızm jáne ejelgi jádigerler mınıstrligi osy jeksenbide Sakkardaǵy ejelgi qorymnan 14 sarkofag tabylǵanyn habarlady, dep jazady Egemen.kz
Buǵan qosymsha ótken aptada 13 sarkofag tabylǵan edi. Artefaktilerdiń jasy shamamen 2500 jyldy quraıdy.
IýNESKO-nyń búkilálemdik mura tizimine engen ejelgi Sakkara qorymy − áıgili Gıza pıramıdalarynan ońtústikke qaraı 16 shaqyrym jerde ornalasqan. Budan bólek, jaqyn mańaıda Djoserdiń úlken satyly pıramıdasy da ornalasqan.
Ǵalymdardyń aıtýynsha, aǵash sarkofagtar jerlengen sátten bastap ashylmaǵan. Olardyń betinde Jebe men kók boıaýmen jasalǵan ásem sýretter, sondaı-aq ıeroglıftik jazýlar óte jaqsy saqtalǵan.
Mınıstrliktiń paraqshasynda ǵalymdar jumystyń ári qaraı jalǵasatynyn jáne taıaýda jańa nysandardy tabýǵa nıetti ekenin jasyrmady.
Aıta keteıik, Egıpet úkimeti koronavırýstyq pandemııaǵa baılanysty týrızm salasyn jandandyrý maqsatynda búkil el boıynsha arheologııalyq ashylýlardy qoldaıtynyn alǵa tartty.