Elorda aýrýhanalarynyń birinde emdelip jatqan pasıent palatada birge jatqan ózge áıeldiń uıaly telefonyn urlap ustalyp qaldy, dep habarlaıdy Egemen.kz qalalyq polısııa departamentiniń baspasóz qyzmetine silteme jasap.
Tártip saqshylarynyń aıtýynsha, kúdikti urlyqty aýrýhanadan shyǵar kúni jasaǵan. Qoldy bolǵan Samsung A5 smartfonynyń naryqtaǵy quny 80 myń teńge deıdi jábirlenýshi. Polıseıler oǵan telefonyn qaıtaryp berdi.
"Atalǵan is boıynsha QR Qylmystyq kodeksiniń 188-babymen (urlyq) sotqa deıingi tergeý amaldary júrgizilip jatyr. Qala turǵyndary men qonaqtarynan barynsha muqııat bolýdy suraımyz, óıtkeni urlyq – eń jıi jasalatyn qylmys bolyp esepteledi", delingen atalǵan habarlamada.