Búgin Petropavlda jańa reanımobılderdiń tanystyrylymy ótip, oǵan oblys ákimi Qumar Aqsaqalov qatysty, dep habarlaıdy Egemen.kz
Osyǵan deıin oblysta 41 jedel járdem kóligi bar edi. Sonyń 10-y zamanaýı. Sońǵy 3 jylda 6 reanımobıl alyndy. Búgin taǵy Huynday markaly 18 reanımobıl keldi. Jyl sońyna deıin taǵy 20 reanımobıl aýdandarǵa jóneltiledi. Olar qajetti qondyrǵylarmen qamtamasyz etilgen.
"Osy kúnge deıin oblys jedel járdemmen 76%-ǵa qamtamasyz etilgen edi. Jańa kólikterdiń arqasynda 100%-ǵa jetkizemiz. Pandemııa kezinde jedel járdemniń jumysy asa mańyzdy. Densaýlyq saqtaý júıesi indettiń ekinshi tolqynyna daıyn bolý kerek. Biz jedel járdem brıgadalarynyń sanyn 32-den 50-ge deıin kóbeıte alamyz", dedi Qumar Aqsaqalov.
Jalpy, sońǵy 3 jylda densaýlyq saqtaý salasyna 113 mlrd teńge, al medısınalyq mekemelerge kólik alýǵa 633 mln teńge bólingen. Sonymen qatar bıyldyń ózine 56 mlrd teńge bólý qarastyrylǵan. Bul 2017 jylmen salystyrǵanda 1,5 esege kóp.