Mańǵystaý aýdanyndaǵy Saı-О́tes orta mektebindegi jylyjaıda 74 túrli tropıkalyq ósimdik ósedi. Kún raıy – 15 gradýs kórsetip tursa da, jylyjaı ózindik temperatýrasyn saqtaıdy.
– Mańǵystaýda óspeıtin tropıkalyq ósimdikterdiń túr-túri osy jylyjaıdan kezdesedi. Bulardyń paıdasy las aýany soryp, ottegi bólip shyǵarady. Mundaǵy tátti bolgar buryshyn da, erekshe gúlderdi de, tropıkalyq elde ósetin palma aǵashyn Mańǵystaýdan kórýdiń ózi bir ǵanıbet. О́simdikterdi baptap, kútim jasaýǵa, shákirtterine qundy aqparat berip, qupııasyn ashýǵa tárbıelegen mektep ustazdarynyń eńbegi eren. Túrli gúlderdi ósirý arqyly aýyl balalarynyń ekologııa mádenıetin qalyptastyrýǵa tıgizer septigi mol, – dedi Saı-О́tes orta mektebi dırektorynyń mindetin atqarýshy Gúlsim Nádirova.
Erekshe kútimdi qajet etetin ósimdikterdi 2007 jyldan beri mektep qyzmetkeri kútip-baptap keledi. Jylyjaıda ósetin 74 túrli ósimdik tamshylata sýarý ádisi arqyly sýarylady. Oqýshylar jylyjaı ishine ǵylymı jumystar júrgizedi. Aıta keteıik, karantınge deıin munda ósken qııar men tátti bolgar buryshyn ashanada oqýshylarǵa beriletin taǵamdarǵa paıdalanǵan.
Mańǵystaý oblysy