Aqtóbe qalasy jyl ótken saıyn qanatyn keńge jaıyp keledi. Qala mańynda jańa shaǵyn aýdandar boı túzeýde. Jaqynda «Nur Aqtóbe» shaǵyn aýdanynda paıdalanýǵa berilgen №10 jáne №11 toǵyz qabatty turǵyn úılerdiń alǵashqy 69 qonystanýshylaryna páterler kiltteri tapsyrylyp, qonys toılaryn toılady. Mundaǵy osy eki toǵyz qabatty turǵyn úıde jalpy alǵanda 607 páter bar. Turǵyndarǵa páter kiltterin tapsyrý saltanatynda sóz alǵan qala ákimi Erhan Omarovtyń aıtýynsha, shaǵyn aýdanda barlyq ınjenerlik kommýnıkasııalar júrgizilgen. Turǵyn úıler arnaıy salynǵan derbes bý qazandyǵy arqyly jylytylady, sý, kógildir otyn jáne elektr júrgizilgen. Jylýdy arnaıy ornatylǵan eseptegish quraly arqyly páterden rettep otyrýǵa bolady.
Aqtóbe qalasy jyl ótken saıyn qanatyn keńge jaıyp keledi. Qala mańynda jańa shaǵyn aýdandar boı túzeýde. Jaqynda «Nur Aqtóbe» shaǵyn aýdanynda paıdalanýǵa berilgen №10 jáne №11 toǵyz qabatty turǵyn úılerdiń alǵashqy 69 qonystanýshylaryna páterler kiltteri tapsyrylyp, qonys toılaryn toılady. Mundaǵy osy eki toǵyz qabatty turǵyn úıde jalpy alǵanda 607 páter bar. Turǵyndarǵa páter kiltterin tapsyrý saltanatynda sóz alǵan qala ákimi Erhan Omarovtyń aıtýynsha, shaǵyn aýdanda barlyq ınjenerlik kommýnıkasııalar júrgizilgen. Turǵyn úıler arnaıy salynǵan derbes bý qazandyǵy arqyly jylytylady, sý, kógildir otyn jáne elektr júrgizilgen. Jylýdy arnaıy ornatylǵan eseptegish quraly arqyly páterden rettep otyrýǵa bolady.
– Bul jańa aýdan bolǵandyqtan, turǵyn úılerdiń qasbetterine aıryqsha kóńil bólindi. Turǵyn úılerdiń qasbetterine vıtrajdy áınekter paıdalanyldy. Aýlany, trotýarlardy abattandyrý úshin sońǵy úlgidegi plıtkalar qoldanyldy. Qurylysy júrip jatqan sport alańyna da zamanaýı jabyndylar paıdalanylatyn bolady. Sondaı-aq, balalarǵa arnalǵan oıyn alańdary salynady, – dedi shahar basshysy.
Ázirge osy aýladaǵy tórt turǵyn úı iske qosylsa, kórshiles aýladaǵy 16 podezdik turǵyn úı de jyl aıaǵyna deıin paıdalanýǵa beriledi dep kútilýde. Qala ákiminiń málimdeýinshe, osy shaǵyn aýdandaǵy turǵyn úıler 2020 jylǵa deıin tolyqtaı paıdalanýǵa beriledi. Bolashaqta bul aýdanda 250 myń halyq turady.
Sondyqtan da «Nur Aqtóbe» shaǵyn aýdanynda áleýmettik nysandar josparǵa saı salynatyn bolady. «Kabıev ı K»» JShS jaqynda osy aýdanda «Dına» sýpermarketi qurylysyn bastaǵaly otyr. 1200 oryndyq orta mekteptiń, 320 oryndyq balabaqshanyń, kúnine 500 adam qabyldaıtyn emhananyń jobalaý-smetalyq qujattaryn jasaý aıaqtalǵan. Qazir bul qujattar memlekettik saraptamadan ótýde. Basqa da áleýmettik nysandardy salýǵa yntaly kásipkerler qatary kóp kórinedi. Iаǵnı, bul aýdan da kóriktenip, kórkeıip, turǵyndarǵa qolaıly bola túseri sózsiz.
– Qazirgi tańda «Nur Aqtóbe» shaǵyn aýdany tolyqtaı ınjenerlik kommýnıkasııalarmen jabdyqtalǵan. Qazir qoldaryna páter kiltteri tıgeli otyrǵan 69 otbasynyń 31-i 2013 jyly bastaý alǵan «Barlyq sanattaǵylar úshin qoljetimdi baspana» baǵyty boıynsha kezekte turǵandar. Olardyń alǵashqyda jalǵa alyp, keıin páterlerdi tolyq satyp alýǵa múmkindikteri bar. Qalǵandary baǵdarlamanyń talaptaryna sáıkes ýákiletti memlekettik organda tirkeýden ótip, ekinshi qaıtara tólem qabiletteri dáleldengen tulǵalar, –dedi qala ákimi Erhan Omarov.
Shahar basshysynyń qolynan páter kiltterin alǵan turǵyndardyń qýanyshynda shek joq. Páter kiltterin saltanatty jaǵdaıda tapsyrǵannan keıin qala ákimi Erhan Omarov pen osy turǵyn úılerdiń qurylysyn júrgizgen «Globýs» JShS dırektory Iýrıı Popov jańa úıdiń kireberisine kerilgen lentany qıdy. Shahar basshysy jańa qonystanýshylardyń jyly uıalaryna kirip, olardy quttyqtady, emen-jarqyn áńgimelesti, sý jańa baspananyń ıgiligin kórýge tilegin bildirdi. Biz qonys toıyn toılaýshylardyń birqatarymen áńgimelesken bolatynbyz. Aqtóbe hrom qosyndylary zaýytynyń jumysshysy Ánýarbek Sapartileýov úsh bólmeli páterge qol jetkizgenin, baǵdarlamanyń jastar úshin óte tıimdi ekenin aıtty.
– Úsh jyl boıy jıǵan-tergenimizdi «Turǵyn úı qurylys jınaq» bankine salyp, jınadyq. Joldasym ekeýmiz saýda salasynda eńbek etemiz. Eki balamyz bar. Búgin bir bólmeli páterdiń kiltin alyp, qýanyp turmyz, – deıdi Gúlmıra Jumaǵalıeva. Al, eki bólmeli páterge qoly jetken Bıbigúl Kókkózova 2008 jyldan beri qarajat jınaǵan eken. Joldasy muǵalim, otbasynda eki balasy bar. Ol da bul baǵdarlamanyń tıimdiligin alǵa tarta sóıledi.
Jańa úılerdiń turǵyndaryna qatynaý yńǵaıly bolý úshin №29 avtobýstyń qozǵalys baǵytyna ózgerister engizilgen kórinedi. Sondaı-aq, bolashaqta shaǵyn aýdanǵa qonystaný deńgeıine qaraı qoǵamdyq kólikterdiń baǵyttarynyń da sany arta túsedi.
«Nur Aqtóbe» shaǵyn aýdanynda ústimizdegi jyly «Qoljetimdi baspana-2020» baǵdarlamasy boıynsha 752 páterlik №12, №15 jáne №16 toǵyz qabatty turǵyn úıler paıdalanýǵa beriledi dep kútilýde. Qazir atalǵan baǵdarlama boıynsha osy shaǵyn aýdanda 540 páterlik №23, №24 jáne №25 turǵyn úıler qurylysy bastalyp ta ketti. Bul úıler aldaǵy jyly jeltoqsan aıynda paıdalanýǵa berilmek.
Satybaldy SÁÝIRBAI,
«Egemen Qazaqstan».
Aqtóbe oblysy.