Almaty qalasyndaǵy Qazaq ulttyq agrarlyq ýnıversıtetinde Qazaqstan Respýblıkasy Aýyl sharýashylyǵy mınıstri Asyljan Mamytbekovtiń ashyq leksııasy ótti.
Almaty qalasyndaǵy Qazaq ulttyq agrarlyq ýnıversıtetinde Qazaqstan Respýblıkasy Aýyl sharýashylyǵy mınıstri Asyljan Mamytbekovtiń ashyq leksııasy ótti.
On-laın rejiminde ótken bul leksııaǵa S.Seıfýllın atyndaǵy agrarlyq ýnıversıtet pen Semeı qalasyndaǵy memlekettik ýnıversıtettiń oqytýshylary men stýdentteri qatysty.
«Agrobıznes-2020» jáne «Dıplommen – aýylǵa!» dep atalatyn shaǵyn beınebaıandy tamashalaǵannan soń, mınıstr ýnıversıtet shákirtteri daıyndaǵan aýylsharýashylyq jobalarynyń kórmesimen tanysty.
Mınıstr óz leksııasynda qazirgi tańda elimiz azyq-túlikke degen óz qajettiligin 80 paıyzǵa qamtamasyz etetindigin aıta kelip, ortasha eseppen alǵanda jylyna 15,5 mıllıon tonna astyq óndirilip, onyń 6 mıllıon tonnasy eksportqa shyǵarylyp otyrylǵanyn málimdedi. Búginde Qazaqstan álemdik astyq eksporttaýshy elderdiń aldyńǵy ondyǵyna kiredi.
Aýyl sharýashylyǵy ónimderi eksportynyń kólemi byltyrǵy jylǵy esep boıynsha, 3 mıllıard AQSh dollarynan asyp, 2012 jyly sharýashylyq jáne fermerlik qojalyqtardaǵy mal basynyń sany 20,1 paıyzǵa ósken. Sondaı-aq, «Sybaǵa» baǵdarlamasyn qolǵa alýdyń arqasynda agrarlyq qurylymdardaǵy iri qara maldyń sanyndaǵy analyq maldyń úlesi 37,2 paıyzdan 43,9 paıyzǵa jetken.
El aýmaǵynda aýyl sharýashylyǵyna salynǵan ınvestısııanyń ósimi ekonomıkanyń basqa salalarymen salystyrǵanda eń joǵary kórsetkishke ıe ekendigin alǵa tartqan mınıstr áli de bolsa bul salanyń kenjelep turǵanyn basa aıtty. Osydan keıin ol stýdentterdiń qoıǵan saýaldaryna jaýap berdi.
Qanat ESKENDIR,
«Egemen Qazaqstan».
ALMATY.