HQO halyqqa kóńil kúı syılaıdy

Muny Halyqqa qyzmet kórsetý ortalyǵynyń jańa dástúri dese de bolady. Osy­laısha, «Azamattarǵa ar­nalǵan úkimet» memle­kettik korporasııasy» Qyzyl­­orda oblysy boıyn­sha fılıalynyń mamandary qyzmet alýǵa kelgen árbir janǵa jylýlyq syılap, kóńilderin tabýǵa tyrysýda. Sebebi qazirgideı kúdigi men úmiti qatar turǵan qıyn kezeńde qamkóńilderge kishkene bolsa da qýanysh syılap, kúdigin seıiltýge qyzmet etýdiń de paıdasy bar.

Azamattardyń kópshiligi alǵash jeke kýálik pen tól­qu­jatyn, júrgizýshi kýá­ligi men sá­bı­leriniń alǵashqy qujattaryn alǵan kezderin esten shyǵarmaıdy. Al olar­dyń osyndaı erekshe sát­teriniń kýási – Halyqqa qyz­met kórsetý ortalyqtary. Qyz­met alýshylardyń qýa­nyshty sát­terin birge bólisip, jan jylýyn syılaıtyn bul bastama qazirgi tańda elimizdiń barlyq óńirinde ótkizilýde. О́mirindegi mańyzdy jaıttarmen baılanysty qujat­taryn rásimdeýge kelgen ár tur­ǵyn HQO bóliminen kóteriń­ki kóńil kúımen shyǵyp, syı-syıapattarǵa ıe bolyp jatyr.

«Qyzmet alýshynyń rıza­shylyǵy biz úshin qashanda qymbat. Bul bastama­ny qol­daýdaǵy basty maqsa­ty­myz – azamattarǵa jylý syılaý. Bir jaǵy­nan osyndaı kórinister maman­darymyzǵa da kúsh-qýat syılap, HQO ishinde ere­k­she kóńil kúı ornaıdy», deıdi «Azamattarǵa arnal­ǵan úkimet» memlekettik kor­po­ra­sııasy» KeAQ Qyzyl­orda oblysy bo­ıynsha fılıalynyń dırektory Aıdyn Qaırýllaev.

Elimizde oryn alǵan tótenshe jaǵdaıdan keıin turǵyn­dardyń kóńilin kóterý maqsatynda jasalyp otyrǵan bul bastama kóńil qýantady. Bul jerde syılyqtyń kólemi nemese baǵasy mańyzdy emes, bastysy – shyn kóńilden bolýy.