Bul týraly álem sarapshylary zeınet jasynda ómir súrýge eń qolaıly elderdi atap berdi dep habarlaıdy Egemen.kz Habar 24-ke silteme jasap.
Natixis fransýz ınvestısııalyq bankiniń sarapshylary materıaldyq ál-aýqatyn, ómir súrý sapasyn eskere otyryp, 44 eldegi zeınetkerlerdiń ál-aýqaty men qarjylyq qaýipsizdigin baǵalady.
Tizimde Islandııa, Shveısarııa jáne Norvegııa kósh bastap tur. Al Amerıka Qurama Shtattary 18-shi orynda.
Aıta ketsek, sarapshylar turǵyndarynyń ómir súrý uzaqtyǵy eń joǵary elderdi anyqtady. Álem boıynsha Gonkong turǵyndary óte uzaq ómir súredi. Olardyń ómir súrý uzaqtyǵy – 84,63 jas. Úzdik úshtikke Japonııa, Makao syndy Azııa elderi jaıǵasqan.
Al tórtinshi orynda turǵyndary orta eseppen 83,56 jyl ómir súretin Shveısarııa tur, odan keıingi orynǵa Sıngapýr (orta eseppen 83,39 jas) ornalasqan. Qazaqstan bul tizimde 110-orynda tur. Zertteý boıynsha eldegi ortasha ómir súrý uzaqtyǵy 73,23 jasty quraıdy.