Batpan quıryq, aıdalada ol neǵylǵan jatqan quıryq?

Elimizdegi eńbek zańdylyǵyna baı­la­nysty koreıanyń «KSS Engine­ering&ConstructionCoLtd» AQ fılıalyn tekserý kezinde kóp­tegen kemshilikter belgili boldy.

Atalǵan fırma «Qazaqstan Res­pýblıkasynyń Kólik jáne kom­mýnıkasııa mınıstrliginiń Av­tomobıl joldary komıteti» memlekettik kásiporyny (tapsyrys berýshi) men joǵaryda aty atalǵan AQ-tyń qurylys ju­mystaryna baılanysty ınves­tısııalyq baǵdarlamasy fılıalymen aradaǵy kelisimshart boıynsha jumys isteýde. Jumys ýchaskesi – «Batys Qytaı–Batys Eýropa» ha­lyqaralyq tranzıttik dáliziniń Ta­raz qalasyn aınalyp ótetin 483-ten 536 shaqyrymyndaǵy Al­maty–Qordaı–Blagoveshenka-Merki-Ter­mez baǵytyn alyp jatyr. Álbette, jumys aýqymy úl­ken. Jol sapasyna da ókpe joq. Biraq...

Elimizdegi eńbek zańdylyǵyna baı­la­nysty koreıanyń «KSS Engine­ering&ConstructionCoLtd» AQ fılıalyn tekserý kezinde kóp­tegen kemshilikter belgili boldy.

Atalǵan fırma «Qazaqstan Res­pýblıkasynyń Kólik jáne kom­mýnıkasııa mınıstrliginiń Av­tomobıl joldary komıteti» memlekettik kásiporyny (tapsyrys berýshi) men joǵaryda aty atalǵan AQ-tyń qurylys ju­mystaryna baılanysty ınves­tısııalyq baǵdarlamasy fılıalymen aradaǵy kelisimshart boıynsha jumys isteýde. Jumys ýchaskesi – «Batys Qytaı–Batys Eýropa» ha­lyqaralyq tranzıttik dáliziniń Ta­raz qalasyn aınalyp ótetin 483-ten 536 shaqyrymyndaǵy Al­maty–Qordaı–Blagoveshenka-Merki-Ter­mez baǵytyn alyp jatyr. Álbette, jumys aýqymy úl­ken. Jol sapasyna da ókpe joq. Biraq...

«KSS»-tiń fılıalyn teksere kelgende koreılikterdiń de «qol­dan kelse qonyshtan ba­sýǵa» beıil ekeni anyqtaldy. My­sa­ly, ústimizdegi jyldyń 11 qyr­kúıe­gin­degi №0081569 ruq­sat qaǵazda Koreı eliniń azamaty Djon Djong Ebtiń laýazymy «aspaptar boıynsha ınjener» (ınjener po ınstrý­mentý) dep kórsetilgenine qa­ramastan onyń «slesar» bolyp ju­mys istep júr­geni áshkere boldy. Bul ber jaǵy. Arǵy jaǵy tipti «qyzyq».

«Batpan quıryq, aıdalada ol neǵylǵan jatqan quıryq?» de­mekshi, qazaqstandyq jumys­shylar men sheteldik jumys­shy­lardyń aı­lyq jalaqylarynyń arasynda da aspan men jerdeı aıyr­mashylyqtar bar eken. My­sa­ly, Qazaqstan azamattary: jab­­dyq­taý­shy A.Tastanbekov, ofıs-menedjeri A.Jylqybaeva, feld­sher L.Safarova aı saıyn 50 myń, al taý jumystary bóliminiń bastyǵy S.Kóshimbetov 165 myń teńge kóleminde jalaqy alsa, koreı azamattary: tehnıkalyq bólimniń bastyǵy Lı The Eng – 856 000, taǵy bir tehnı­ka­lyq bólimniń bastyǵy Soı Keng Sık – 619 000, kúrdeli qurylys bóliminiń bastyǵy Cho Dong Chon – 998 000, taǵy bir kúrdeli qurylys bóliminiń bastyǵy Iаng Syng Song – 842 000, sapa jónindegi ınjener Iаng Syng Mo – 643 000, taǵy bir sapa jónindegi ınjener Kım Songýk – 741 000 jáne taǵy bir sapa jónindegi ınjener Lı Chang Hýn – 608 000 teńge jalaqy alyp otyrǵan. Kórip otyrǵanymyzdaı, qazaqstandyq jumysshylarǵa qaraǵanda Koreıa­dan kelgen jumysshylardyń aı saıyn alatyn jalaqylarynyń kólemi 10 ese kóp.

Aıtaıyn degenimiz, «KSS En­gi­neering&ConstructionCoLtd» AQ fılıaly basshylyǵynyń bul alaqoldylyǵy – fırma qyz­met­ker­leriniń eńbekaqy jónindegi zańdy quqyn óreskel buzyp otyr­ǵanyn kórsetedi. Endeshe, qalaı «Mássaǵan, bezgeldek!» demessiń.

Kósemáli SÁTTIBAIULY,

«Egemen Qazaqstan».

Jambyl oblysy.

_______________________________

Sýretti calǵan Aıdarbek ǴAZIZULY.