Elordada Qaraǵandy jáne Qostanaı oblystarynyń aýyl sharýashylyq ónimderi jármeńkesi ótti, dep habarlaıdy Egemen.kz
"Han Shatyr" SOO janyndaǵy alańda kezekti aýyl sharýashylyq jármeńkesi boldy. Qaraǵandy jáne Qostanaı oblystarynyń kásipkerleri óz ónimderin elordaǵa ákeldi.
Qaraǵandy oblysynan jármeńkede toǵyz aýdan men Qaraǵandy, Temirtaý, Shahtınsk, Saran qalalarynan 170-ke jýyq kásiporyn óz taýaryn usyndy.
"Biz jalpy somasy 700 mln teńgege 600 tonnaǵa jýyq ónim ákeldik. Sonyń ishinde qoı eti, shoshqa eti, sıyr eti, jylqy eti, 350 tonna kartop, 100 tonna kókónis jáne basqa da azyq-túlik ónimderi bar. Qazir qysqa daıyndyq maýsymy bastaldy, negizinen et, kartop, kókónis jaqsy satyldy", dedi Qaraǵandy oblysy Aýyl sharýashylyǵy basqarmasy basshysynyń orynbasary Asqar Sanaýbarov.
Qostanaı oblysynan 50-ge jýyq óndirýshi óz ónimderin ákeldi. Nur-Sultandaǵy jármeńkege 14 aýdan men úsh qala keldi. Taýardyń jalpy kólemi 380 tonnany qurady.
Barlyq usynylǵan ónimderdiń baǵasy naryqtyq baǵadan 10-15% tómen. Sonymen, sıyr etin 1700 teńgege, jylqy etin – 1800-2000 teńgege, qoı etin – 1800 teńgege, shoshqa etin – 1200-1600 teńgege, kartopty – 70-75 teńgeden satyp aldy.
Jármeńke barlyq sanıtarlyq normalardy saqtaı otyryp ótkizildi.