Memleket basshysy Qasym-Jomart Toqaevtyń Qazaqstan halqyna arnaǵan «Jańa jaǵdaıdaǵy Qazaqstan: is-qımyl kezeńi» Joldaýynda belgilengen basymdyqtardy túsindirý úshin Qorǵanys mınıstrligi men Bas shtab ofıserlerinen turatyn aqparattyq-túsindirý toby Shymkent jáne Taraz garnızondarynda ornalasqan áskerı bólimder men jergilikti áskerı basqarý organdaryna, sondaı-aq Áýe qorǵanysy kúshteriniń shalǵaı bólimshelerine bardy.
Garnızondardy aralaý barysynda jeke quram aldynda Qarýly kúshter Bas shtaby bastyǵynyń orynbasary – Tárbıe jáne ıdeologııalyq jumys departamentiniń bastyǵy, birinshi dárejeli kapıtan Serik Býrambaev sóz sóıledi. Ol strategııalyq qujattyń negizgi normalary men erejelerin jetkizdi, Memleket basshysynyń Joldaýynda aldaǵy reformalar men jańa ekonomıkalyq baǵyttyń bazalyq qaǵıdattary týraly aıtyp berdi.
Joldaýdy jan-jaqty túsindirýden basqa, áskerı qyzmetshilerdi aqshalaı úlespen, turǵyn úı tólemderimen qamtamasyz etý jáne basqa da máseleler boıynsha qoldanystaǵy zańnama normalary týraly zań keńesteri berildi.
Garnızondarda túsindirý jumystarynyń sapasyn arttyrý úshin top ofıserleri kelýshilerdi qabyldady. Sonyń arqasynda kóptegen áskerı qyzmetshiler ózderin qyzyqtyrǵan suraqtarǵa jaýap aldy. Kóbinese jekeshelendirý, qyzmettik turǵyn úıdi aıyrbastaý, ıpotekalyq kredıt berýdi resimdeý, medısınalyq saqtandyrý, aqshalaı rızyqty jáne járdemaqylardy tóleý tártibine qatysty suraqtar kelip tústi.
Aqparattyq-túsindirý tobynyń quramyna kirgen tárbıe jáne ıdeologııalyq jumys departamentiniń ofıserleri jeke quramnyń áleýmettik-turmystyq jaǵdaılaryn zerttedi, ujymdardyń moraldyq-psıhologııalyq jaı-kúıin anyqtaý jáne áleýmettik kóńil kúı deńgeıin anyqtaý úshin ofıserler men kelisimshart boıynsha áskerı qyzmetshiler arasynda saýaldama júrgizdi.