Osy jyldyń 15 qyrkúıeginen bastap oblys kóleminde "Ýchaske" jedel profılaktıkalyq is-sharasy ótkizilýde, dep habarlaıdy Egemen.kz.
Onyń aıasynda polıseıler qylmys pen quqyq buzýshylyqty boldyrmaý, ýchaskelik polısııa ınspektorlarynyń jáne jalpy ishki ister organdarynyń ımıdji men bedelin kóterý, halyqtyń olarǵa degen senimin arttyrý, zańsyz qarý ustaǵandardy anyqtaý maqsatynda árbir páter men jeke úılerdi aralady. Shara bastalǵaly beri barlyǵy 45 myń 430 tekseris júrgizilip, onyń ishinde 10512 páter men 34918 jeke menshik úı aralandy.
Oblys kóleminde barlyǵy 43 páterdiń jalǵa zańsyz berilip jatqandyǵy anyqtalyp, sheshim qabyldaý maqsatynda qujattar jınaqtalyp, jergilikti jerlerdegi memlekettik kirister basqarmalaryna usynystar joldandy. Sonymen qatar, belgili turaqty jeri joq 10 adam qabyldaý taratý oryndaryna jatqyzyldy.
Ishki ister organdarynyń profılaktıkalyq jáne tizimdik esebinde turǵan 3029 turǵynnyń turǵylyqty meken-jaılaryna tekserý júrgizildi.
Is-shara barysynda zańsyz qarýlardy saqtaý tasymaldaý derekteri anyqtalyp, 15 qarý tárkilendi.
Sonymen qatar barlyǵy 4 myń 746 ákimshilik quqyq buzýshylyq derek belgili bolyp, olar boıynsha tıisti sheshim qabyldandy.
Qyzylorda oblysy