Bıyl áıgili aqyn Sergeı Esenınniń týǵanyna 125 jyl tolyp otyr. Otyz jyl ǵana ǵumyr keshken shaıyrdyń ómiri de, óleńi de el esinde. Kezinde aqynnyń qurmetine oraı, Taraz qalasyndaǵy Y.Súleımenov kóshesinen Esenınniń eskertkishi ashylǵan bolatyn. Búginde bul jer jas aqyndardyń jyr oqyp, jasyndaı jarqyldaıtyn orynyna aınaldy, - dep habarlaıdy Egemen.kz
Jambyl oblysyndaǵy "Radonej" orys qaýymdastyǵynyń uıymdastyrýymen aqynnyń mereıtoıy atalyp ótti. Tarazdyń tórinde ótken poezııa keshine mektep oqýshylary, kolledj stýdentteri men muǵalimderi, etnıkalyq birlestikterdiń ókilderi men jalpy óleńsúıer qaýym qatysty. Aqyn eskertkishiniń aldyna jınalǵan qaýym óleń oqyp, óner kórsetti. "Radonej" orys qaýymdastyǵynyń tóraǵasy, "Kalınka" vokaldyq ansambliniń kórkemdik jetekshisi Vladımır Sorokınniń jetekshiligimen Esenınniń sózine jazylǵan ánder oryndaldy.
"Esenınniń óleńderinde onyń Otanǵa degen súıispenshiligi beınelengen. Onyń meıirimdilik pen súıispenshilikke toly óleńderi árbir júrekke jaqyn. Aqynnyń shyǵarmalary búginde álemniń kóptegen tilderine aýdarylǵan. Mine, búgingi Esenın oqýlary da qalamyzdaǵy poezııaǵa qushtar jandardy jınaı bildi", dedi Vladımır Sorokın.
Taraz qalasynda Esenın oqýlary on jyldan astam ýaqyt dástúrli túrde uıymdastyrylyp keledi. Jyl saıyn mektep oqýshylary aqyn atyndaǵy ádebı oqýlarǵa belsene qatysady. Bul jolǵy poezııa keshinde óleń oqylyp, aqyn eskertkishine gúl shoqtary qoıyldy.
Jambyl oblysy