Alı Hameneı 28 aqpanda AQSh pen Izraıl júrgizgen arnaıy áskerı operasııadan keıin qaza tapty. Bul aqparatty 1 naýryz kúni tańerteń Irannyń Tasnim, IRNA, ISNA, Mehr jáne Fars memlekettik agenttikteri rastady, dep jazady Egemen.kz.
Fars agenttiginiń habarlaýynsha, Hameneı Tegerandaǵy rezıdensııasynda jumys ornynda bolǵan kezde qaza bolǵan.
«Islam revolıýsııasynyń Uly kóshbasshysy, mártebeli Aıatolla Hameneı 28 aqpan, senbi kúni sıonıstik rejım men AQSh jasaǵan tańǵy shabýyl nátıjesinde sheıit boldy», delingen málimdemede.
El úkimeti 40 kúndik jalpyulttyq aza tutý jarııalap, jeti kún demalys kúnderin belgiledi. Hameneı Islam Respýblıkasyn sońǵy 36 jyl boıy basqarǵan.
Iran prezıdentiniń resmı Telegram-arnasynda kelesideı málimdeme jarııalandy:
«Bul aýyr qylmys jaýapsyz qalmaıdy… Biz bul qylmysty uıymdastyryp, júzege asyrǵandardy ókinýge májbúrleımiz», delingen.
Sondaı-aq senbi kúni Tegeran qalasyna jasalǵan AQSh pen Izraıldiń shabýyly saldarynan Irannyń Qorǵanys keńesiniń hatshysy, admıral Alı Shamhanı jáne Islam revolıýsııasy saqshylary korpýsynyń (KSIR) bas qolbasshysy, general-maıor Mohammad Pakpýr qaza tapqany belgili boldy.
Irannyń joǵarǵy kóshbasshysynyń keńesshisi Mohammad Mohber revolıýsııa jetekshisi qaza bolǵannan keıingi ótpeli kezeńde jaýapkershilikti el prezıdenti, sot bıliginiń basshysy jáne Qamqorshylar keńesiniń bir fakıhi óz moınyna alatynyn málimdedi.
40 adam qaza tapty: Izraıl Irandaǵy mektepke soqqy jasady Aıta keteıik, Izraıl 28 aqpan kúni tańerteń Iran memleketin soqqylady. Shabýyldy eldiń qorǵanys mınıstri Israel Kas rastady. Tegeran qalasynda keminde úsh jarylys boldy. Donald Tramp Iranǵa shabýyl jasaýdyń sebepterin atady