2026 jylǵy jol-qurylys maýsymynyń bastalýyna baılanysty elordadaǵy birqatar kóshede kólik qozǵalysyna shekteý qoıylyp otyr, dep jazady Egemen.kz.
Qala ákimdigi aldaǵy ýaqytta kólik qozǵalasy shekteletin kósheler týraly málimet buqaralyq aqparat quraldary arqyly aldyn ala habarlanatynyn málimdedi.
Astanada qoǵamdyq velojaldaý júıesi jańǵyrtylady
«Jol jabynyn jóndeý jumysy qaýipsizdikti arttyrý jáne sapaly jol ınfraqurylymyn qalyptastyrý maqsatynda júrgiziledi. Jumys kezeńinde júrgizýshiler úshin balamaly qozǵalys baǵyttary uıymdastyrylady. Osyǵan baılanysty qala turǵyndary men qonaqtary joldaǵy keptelisterdi azaıtý úshin qozǵalys baǵyttaryn aldyn ala josparlaýy qajet», delingen qala ákimdigi taratqan habarlamada.
Qaraǵandy-Astana joly qaıta jańarady
Aıta keteıik, jyl basynan beri jol jabynyn búldirgeni úshin shamamen 30 júrgizýshi ákimshilik jaýaptylyqqa tartylǵan. Al qalalyq polısııa basqarmasy jol jóndeý jumysynyń júrgizilýine baılanysty kólik keptelisiniń jıileýine oraı elordalyq polısııa júrgizýshilerden jol júrisi qaǵıdattaryn saqtap, jolda janjal shyǵarmaýǵa shaqyryp otyr.