Áýe keńistiginiń jabylýyna jáne reısterdiń ýaqytsha toqtatylýyna baılanysty Qazaqstan azamattaryn Irannan qurlyq arqyly shyǵarý josparlanyp otyr. Bul týraly Syrtqy ister mınıstrligi málimdedi, dep jazady Egemen.kz.
Mınıstrliktiń málimetinshe, qazaqstandyqtardy Iranmen shekaralasyp jatqan tórt el arqyly evakýasııalaý qarastyrylǵan:
Iran – Ázerbaıjan
Iran – Armenııa
Iran – Túrkııa
Iran – Túrikmenstan
Azamattarǵa Qazaqstannyń dıplomatııalyq ókildikterimen baılanysyp, shyǵý baǵytyn aldyn ala kelisý usynylady.
Qaýipsizdik boıynsha usynystarTaıaý Shyǵystaǵy geosaıası jaǵdaıdyń kúrt ýshyǵýyna baılanysty Iran aýmaǵynda ýaqytsha nemese turaqty júrgen Qazaqstan azamattaryna jeke qaýipsizdik sharalaryn barynsha kúsheıtýge keńes beriledi:
adamdar kóp jınalatyn oryndarǵa barmaý;
jergilikti bılik pen resmı aqparat kózderiniń habarlamalaryn turaqty baqylaý;
asa qajet emes saparlardy shekteý;
jeke basyn kýálandyratyn qujattardy únemi ózimen alyp júrý;
tótenshe jaǵdaılarǵa daıyn bolý;
Qazaqstannyń dıplomatııalyq ókildikterimen turaqty baılanysta bolý.
Baılanys nómirleriQazaqstan Respýblıkasynyń Irandaǵy Elshiligi táýlik boıy jumys isteıtin jedel baılanys jelilerin ashty:
Tegeran qalasyndaǵy elshilik: +98 21 2256 5933 +98 936 208 4672 (WhatsApp)
Gorgan qalasyndaǵy Bas konsýldyq: +98 912 298 0350 +98 173 252 0443 +7 701 771 34 01 (WhatsApp)
Bender-Abbas qalasyndaǵy konsýldyq: +98 930 298 57 03 (WhatsApp)
Atalǵan baılanys arnalary arqyly azamattar konsýldyq kómek surap, ózderiniń ornalasqan jeri men jaǵdaıy týraly habarlaı alady.
SIM deregine sáıkes, qazirgi ýaqytta Iranda 96 Qazaqstan azamaty bar. О́zge qaqtyǵys aımaǵyndaǵy elderdegi qazaqstandyqtardyń sany ázirge naqtylanbaǵan.
Syrtqy ister mınıstrligi Taıaý Shyǵys elderindegi jedel baılanys jelileriniń nómirlerin jarııalady