Búgin respýblıkada túrli mádenı is-sharalar ótedi. Atap aıtsaq, EXPO halyqaralyq kórme ortalyǵynyń alańynda Naýryz meıramyna arnalǵan konsert uıymdastyrylady, dep habarlaıdy Egemen.kz.
Mádenıet jáne aqparat mınıstrlliginiń málimetinshe, Almaty qalasynda Natalııa Sas atyndaǵy Memlekettik akademııalyq orys balalar men jasóspirimder teatry «Ýra! Naýryz! Kanıkýly» festıvalin ótkizip, teatr repertýaryndaǵy spektaklderdiń kórsetilimin usynady.
Elordada qalanyń birqatar alańdarynda «Naýryz – bereke bastaýy» atty konserttik baǵdarlamalar, kópshilikke arnalǵan, etnomádenı is-sharalar men ınteraktıvti jobalar ótedi. Almatyda merekelik konsertter, festıvalder uıymdastyrylady.
Shymkent qalasyndaǵy «Astana» alańynda jáne qalalyq saıabaqtarda «Ulystyń uly kúni – Naýryz» merekesi, gastronomııalyq festıval, «Nauryz AI» IT is-sharasy, sondaı-aq gala-konsert ótedi.
Naýryzdyń rýhyn asqaqtatqan án
El óńirlerinde de konsertter, qoıylymdar, festıvalder, qoǵamdyq aksııalar josparlanǵan. Bul is-sharalar turǵyndardy dostyq, tatýlyq pen ózara syılastyqty nasıhattaý maqsatynda uıymdastyrylmaq.
Aıta keteıik, Naýryznama kúntizbesine sáıkes 20 naýryzda elimizde Ulttyq sport kúni atalyp ótti. Bul kún tól sportymyzdy dáripteýge, nasıhattaýǵa jáne ony zamanaýı úrdistermen ushtastyra otyryp, ulttyq biregeılikti nyǵaıtýǵa baǵyttalǵan mańyzdy data.