Qazaqstan men Reseı aldaǵy ýaqytta alty birlesken mektep salý máselesin pysyqtap jatyr. Bul týraly Reseı Syrtqy ister mınıstri Sergeı Lavrov Qazaqstan Syrtqy ister mınıstri Ermek Kósherbaevpen ótken kelissózder qorytyndysy boıynsha brıfıngte málimdedi, dep habarlaıdy Egemen.kz.
Sergeı Lavrovtyń aıtýynsha, bilim salasyndaǵy yntymaqtastyq ekijaqty qatynastardyń mańyzdy basymdyqtarynyń biri bolyp qala beredi.
Onyń sózinshe, ótken jyly Reseıde ál-Farabı atyndaǵy Qazaq ulttyq ýnıversıtetiniń fılıaly jumysyn bastaǵan. Al Qazaqstanda segiz reseılik joǵary oqý ornynyń bólimsheleri jumys istep jatyr.
«Kún tártibindegi negizgi máselelerdiń biri – alty birlesken mektep salý. Onyń úsheýi Reseı aýmaǵynda, úsheýi Qazaqstanda boı kóteredi», dedi Sergeı Lavrov.
Argentınada mekteptegi mýzyka kabınetine Dımash Qudaıbergenniń esimi berildi
Sondaı-aq Reseı SIM basshysy Qazaqstan tarabyna Memleket basshysy Qasym-Jomart Toqaevtyń bastamasymen qurylǵan orys tili jónindegi halyqaralyq uıymdy qurýǵa qosqan úlesi úshin alǵys aıtty. Uıymnyń hatshylyǵy 1 sáýirden bastap Sochı qalasyndaǵy «Sırıýs» bilim berý ortalyǵynda jumysyn bastaǵan.
14 óńirde Tomorrow School mektepteriniń jelisi ashyldy
Aıta keteıik, buǵan deıin Astana men Almatyda talantty balalardy qoldaý jónindegi reseılik «Sırıýs» mektebiniń fılıaldaryn ashý josparlanyp otyrǵany habarlanǵan bolatyn.
Nurbolat AMANBEK