Memleket basshysynyń tapsyrmalary sheńberinde Ishki ister mınıstrligi ónerkásip salasyndaǵy qylmystardyń jolyn kesý jáne bıznestiń múddelerin qorǵaý baǵytyndaǵy jumystardy kúsheıtti. Sonyń nátıjesinde Qaraǵandy oblysynda iri óndiristik kásiporynda áreket etken qylmystyq toptyń zańsyz áreketi toqtatyldy, dep jazady Egemen.kz.
27 sáýir kúni polısııa qyzmetkerleri «Qarmet» AQ aýmaǵynda uıymdasqan qylmystyq toptyń qyzmetin áshkereledi. Tergeý barysynda kúdiktilerdiń jasyryn alaıaqtyq shemalardy qoldanǵany anyqtaldy. Olar kásiporynnyń jekelegen qyzmetkerlerimen sóz baılasa otyryp, jetkiziletin shıkizattaǵy temir quramynyń kórsetkishterin qasaqana kóterip kórsetken.
Osy áreketterdiń saldarynan kásiporynǵa keltirilgen shyǵyn kólemi shamamen 190 mln teńgeni qurady. Qylmystyq shemaǵa qatysy bar degen kúdikpen 13 adam ustaldy – olardyń barlyǵy Temirtaý qalasynyń turǵyndary.
Táýligine 690 dollar tabys: Elektrosamokat arqyly jasalǵan alaıaqtyq áshkere boldy
Tintý sharalary barysynda iri kólemde aqsha qarajaty jáne ózge de zattaı dáleldemeler tárkilendi. Qazirgi tańda atalǵan derek boıynsha sotqa deıingi tergeý amaldary júrgizilýde.
IIM málimetinshe, qabyldanǵan sharalar qalaquraýshy kásiporynnyń turaqty jumysyn qamtamasyz etýge baǵyttalǵan. О́nerkásip salasyndaǵy zańsyz áreketterdiń jolyn kesý jumystary aldaǵy ýaqytta da jalǵasady.
Alaıaqtyqtyń aldyn alý: Ustazdar arasynda arnaıy aksııa uıymdastyryldy