Halyk Finance sarapshylarynyń boljamynsha, 2026 jyldyń sońyna qaraı dollar baǵamy 540 teńgege jetýi múmkin, dep habarlaıdy Egemen.kz.
Sarapshylardyń málimetinshe, bıyl teńgeniń ýaqytsha nyǵaıýyna birqatar faktor áser etken. Atap aıtqanda, joǵary bazalyq mólsherleme, Biryńǵaı jınaqtaýshy zeınetaqy qory (BJZQ) úshin valıýtany satyp alýdyń toqtatylýy, aınalym operasııalary, sondaı-aq sheteldik ınvestorlardyń memlekettik baǵaly qaǵazdarǵa ınvestısııalary negizgi sebepterdiń biri bolyp otyr.
Búgin 1 dollardy qansha teńgege satyp alýǵa bolady?
Alaıda Halyk Finance baǵalaýynsha, teńgeniń nyǵaıýy uzaq merzimdi emes.
«USD/KZT baǵamy munaı men metall baǵasyna, geosaıası táýekelderge jáne negizgi saýda seriktesteriniń valıýta saıasatyna tikeleı táýeldi», deıdi ınvestısııalyq kompanııa sarapshylary.
Boljam boıynsha, eger munaıdyń ortasha jyldyq baǵasy barreline 85 dollar deńgeıinde saqtalsa, 2026 jyldyń sońyna qaraı dollar shamamen 540 teńge bolýy múmkin.
Nurbolat AMANBEK