Memleket basshysy Reseı Federasııasynyń Syrtqy ister mınıstri Sergeı Lavrovty qabyldady, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Reseıdiń syrtqy saıasat vedomstvosynyń basshysyna iltıpat bildirip, Qazaqstan men Reseı arasyndaǵy qarym-qatynas strategııalyq seriktestik jáne odaqtastyq rýhynda damyp kele jatqanyn atap ótti.
Prezıdent buǵan deıin joǵary deńgeıde qol jetkizilgen ýaǵdalastyqtardy naqty júzege asyrýdyń, sondaı-aq saýda-ekonomıkalyq, ınvestısııalyq jáne mádenı-gýmanıtarlyq baılanystardy odan ári nyǵaıtýdyń mańyzdy ekenin aıtty.
3,7 mıllıard dollarlyq kelisim: Toqaev Japonııa Parlamentiniń ókilin qabyldady
Kezdesýde Reseı Prezıdenti Vladımır Pýtınniń mamyr aıynyń sońynda Qazaqstanǵa jasaıtyn saparyna daıyndyq máselesine erekshe nazar aýdaryldy.
Memleket basshysy Astana atalǵan ýaqıǵaǵa aıryqsha mán berip otyrǵanyn jetkizdi.
«Bul sapardy bıylǵy ekijaqty kún tártibiniń eń negizgi is-sharasy retinde qarastyramyz. Eki eldiń odaqtastyq qatynastaryn ilgeriletýde atalǵan sapar mańyzdy ról atqarady dep senemiz», dedi Qasym-Jomart Toqaev.Sergeı Lavrov Memleket basshysyna Reseı Prezıdentiniń saparyna ázirlik barysy týraly aqparat berdi.
Toqaev qazaq tazysyn tanýǵa septigin tıgizgen Tamash Iаkkelge alǵys aıtty
Sonymen qatar Qazaqstan men Reseı arasyndaǵy kópjosparly yntymaqtastyqtyń basty máseleleri úkimetter men syrtqy ister mınıstrlikteri deńgeıinde pysyqtalyp jatqanyna toqtaldy.
Kaspııge qaýip tóndi me? Lavrov AQSh pen Izraıldiń soqqysyna qatysty málimdeme jasady
Qasym-Jomart Toqaev pen Sergeı Lavrov halyqaralyq jáne aımaqtyq kún tártibindegi ózekti máseleler jóninde pikir almasty.