Kólik mınıstrligi «Jolaýshylardy, bagajdy jáne júkterdi áýe kóligimen tasymaldaý qaǵıdalaryn bekitý týraly» buıryqqa ózgerister engizilip jatqanyn habarlady, dep jazady Egemen.kz.
Mınıstrliktiń málimetinshe, azamattardyń ótinishteri negizinde, alǵash ret normatıvtik deńgeıde jolaýshylardyń mýzykalyq aspaptardy (onyń ishinde dombyra men qobyzdy) fýtlıarda áýe kemesiniń salonynda qol júgi retinde tasymaldaýǵa ruqsat etiledi.
Dombyrany «haram» dep jarııalaǵan aqtóbelik 7 jylǵa sottalýy múmkin
Al olardyń ólshemderi 110×35×30 santımetrden, al salmaǵy 10 kılogramnan aspaýy tıis.
«Túzetýlerge sáıkes, eger jolaýshy tek bir mýzykalyq aspapty alyp júrse, ony tasymaldaý qol júgi retinde tegin júzege asyrylady. Al mýzykalyq aspap qol júginiń qosymsha birligi retinde tasymaldanǵan jaǵdaıda, belgilengen normadan asatyn júk úshin áýe kompanııalardyń qoldanystaǵy qaǵıdalaryna sáıkes aqy alynady», delingen habarlamada.
Túzetýler bıyl mamyr aıynyń sońyna deıin engiziledi dep josparlanǵan.