Atyraý oblysyndaǵy №15 túzeý mekemesinde bolǵan qaıǵyly oqıǵadan keıin 12 qyzmetker tártiptik jaýapkershilikke tartyldy, dep habarlaıdy Egemen.kz.
22 naýryz kúni kolonııada sottalǵandar arasynda janjal týyndap, sóz talasy tóbeleske ulasqan. Sonyń saldarynan bir sottalýshy qaza tapqan.
Oqıǵadan keıin mekemede qyzmettik tekserý júrgizilip, birqatar zańbuzýshylyq anyqtaldy. Nátıjesinde kolonııa bastyǵy qyzmetinen bosatyldy.
Sonymen qatar basqa qyzmetkerlerge mynadaı tártiptik sharalar qoldanyldy:
6 qyzmetkerge qatań sógis; 1 qyzmetkerge sógis; 1 qyzmetkerge qyzmettik sáıkessizdik týraly eskertý berildi.Jalpy alǵanda, 12 qyzmetker jazalandy.
Pavlodarda túzeý mekemesiniń qyzmetkeri para alǵany úshin sottaldy
Qaıǵyly oqıǵa boıynsha qylmystyq is qozǵalǵan. Tergeý Qylmystyq kodekstiń 106-baby 3-bóligi boıynsha júrgizilip jatyr (asa aýyr dene jaraqatyn keltirip, abaısyzda ólimge ákelý). Sonymen qatar, mekeme qyzmetkerlerine qatysty QK-niń 370-baby 4-bóligi boıynsha da jeke tergeý júrip jatyr (qyzmettik áreketsizdik, aýyr zardaptarǵa ákep soqqan jaǵdaı).
Abaı oblysyndaǵy túzeý mekemesinde sottalǵan azamat kóz jumdy