Qazaqstan Respýblıkasynyń bastamasy boıynsha 2020 jylǵy 2 qazanda Eýrazııalyq ekonomıkalyq komıssııa Keńesi koronavırýstyq ınfeksııasynyń taralýynyń aldyn alý jáne boldyrmaý úshin paıdalanylatyn keıbir taýarlarǵa bajsyz ákelý merzimin uzartý týraly sheshim qabyldady. Tarıftik jeńildik 2021 jylǵy 1 qazannan 31 naýryzǵa deıingi merzimge uzartylady.
Atap aıtqanda, EAEO-ǵa múshe memlekettiń ýákiletti organy bergen ákelinetin taýarlardyń nysanaly maqsaty rastalǵan kezde vaksınalardy, dári-dármekter men qorǵanysh quraldaryn (maskalar, dezınfeksııalaý quraldary, qolǵaptar jáne t.b.) óndirýge arnalǵan shıkizatty, sondaı-aq koronavırýstyq ınfeksııany emdeýge jáne aldyn alýǵa arnalǵan ártúrli apparatýralardy bajsyz ımporttaýǵa jol beriledi.
«Atalǵan tarıftik jeńildiktiń jarty jyldyq uzartylýy koronavırýspen kúresý úshin qajetti ónimdi ımporttaý kezinde kedendik bajdardy tóleý boıynsha shyǵyndardy azaıtýǵa múmkindik beredi», dep atap ótti Saýda jáne ıntegrasııa vıse-mınıstri Janel Kýshýkova.
Keńestiń sheshimi resmı jarııalanǵan kúninen bastap kúntizbelik 10 kún ótken soń kúshine enedi jáne 1 qazannan bastap týyndaǵan quqyqtyq qatynastarǵa qoldanylady.