Oblys kóleminde ótkizilgen jedel-profılaktıkalyq is-sharalardyń nátıjesinde óńirde mal urlyqtarynyń sany azaıǵan, dep habarlaıdy Egemen.kz Polisia.kz saıtyna silteme jasap.
“Bul baǵyttaǵy qylmystardyń jolyn kesý maqsatynda mal urlyqtarynyń aldyn alý boıynsha jospar ázirlendi. Ony iske asyrý aıasynda oblys kóleminde 1149 beınebaqylaý kamerasy ornatyldy, onyń 61 – negizgi aýdandyq joldarda, taǵy 1088 mal soıý jáne ótkizý oryndarynda. Jyl sońyna deıin taǵy 250 beınebaqylaý kamerasyn ornatý josparlanýda. Sonymen qatar kelesi jyly oblystyń 11 aýdanynda 886 kamera ornatýǵa jobalyq – smetalyq qujattama ázirlendi”,- dedi Almaty oblysy Polısııa departamentiniń bastyǵy polısııa general-maıory Serik Kýdebaev.