Atyraýda sharýagerlerdiń jaz boıy tirnektep jınaǵan shóbi órtenip jatyr. Oblystyq Tótenshe jaǵdaılar departamentiniń baspasóz qyzmeti usynǵan málimetke súıensek, órt aýyl sharýashylyǵy tehnıkalarynan shyǵatyn ushqynnan tutanady eken. Osy jáne ózge de sebeptermen 5 oqıǵa tirkelip otyr, dep habarlaıdy Egemen.kz.
«Jylyoı aýdanynyń «Manas» sharýa qojalyǵynda 28 shóp oramy, Qurmanǵazy aýdany, Japyryq aýylyndaǵy jeke turǵyn úıdiń aýlasynda jınalǵa 6 shóp oramy, Baıda aýyldyq okrýginiń Batpaq kópir ýchaskesindegi «Tóreǵalıeva» sharýa qojalyǵynda 1200 shóp oramynyń janyp ketti. Sondaı-aq, Inder aýdany, Esbol aýyldyq okrýginde tirkelgen «Amandos» sharýa qojalyǵynda 50 shóp oramy, Qyzylqoǵa aýdany, Janterek aýylyndaǵy №57 úıdiń aýlasynda turǵan 18 shóp oramy da órtendi» dep habarlady departamenttiń baspasóz qyzmetinen.