Soltústik Qazaqstan oblysynda 111 jekemenshik kúzet agenttigi bar. Olardyń kóbi polısııamen birlese jumys istep quqyq tártibin saqtaýǵa atsalysady, dep habarlaıdy Egemen.kz.
Túrli dabyldar túskende jekemenshik kúzet agenttikteriniń 36 utqyr ekıpajy oqıǵa ornyna jedel jetedi. Al dabyl túspegende olar ózderiniń ýchastoktarynda patrýldik jumystar atqarady.
Jyl basynan beri soltústikqazaqstandyq jekemenshik kúzet qurylymdarynyń kómegimen 255 ákimshilik buzýshylyqtar anyqtaldy jáne 15 urlyq quryqtaldy. "Kúzet qurylymdaryn paıdalaný – kópten beri tájirıbege engizilgen. Biraq keıbir sýyqqoldylar kúzetshilerdiń bar ekenine de qaramaı qylmystyq áreketterge barady. Máselen, jýyrda ǵana qaladaǵy sýpermarketterdiń birinde bir sýyqqoldy azamattyń jáshikke tastap ketken zattaryn urlamaq boldy. Ony kúzetshi der kezinde quryqtap, polısııaǵa tapsyrdy. Osyndaı mysaldar óte kóp", deıdi SQO PD kúzet isteri bóliminiń bastyǵy Rýslan Danııarov.
Jýyrda saıajaıǵa túsken bir urylardy "Chernyı ıastreb" kúzet agenttiginiń qyzmetkerleri quryqtap, qarsylyq kórsetken sýyqqoldylardy sabasyna túsirip, polısııaǵa tapsyrdy.
PETROPAVL