Sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti «Protecting Business and Investments» jobasy aıasynda ınvestısııalyq bıznes jobalardy súıemeldeý jumystaryn júrgizip keledi. Bıznes aldynda ákimshilik kedergilerdi boldyrmaı, kásipkerlerdiń zańdy quqyǵyn qorǵaýdy kózdeıtin joba sheńberinde qazir oblys boıynsha otandyq jáne sheteldik ınvestorlardyń jalpy quny 554,3 mlrd teńge bolatyn 21 jobasyna qoldaý jasalýda, dep habarlaıdy Egemen.kz.
Osy jyldyń tamyz aıynda departament pen «Súıinish» JK jáne «Aıǵasar» JShS arasynda kásip ıeleriniń zańdy quqyqtaryn qorǵaý jóninde kelisimge qol qoıyldy. Olardyń biri stýdentter úshin jataqhana qurylysyn salsa, endi biri qymyz óndirip, aıryqsha qajettiligi bar balalar úshin ıppoterapııa klýbyn ashý jobasyn qolǵa alyp otyr.
«Protecting Business and Investments» jobasy júzege asa bastaǵaly beri departament pen oblystyq kásipkerler palatasy birlese otyryp, bıznes ókilderiniń 60-tan asa ótinishterin qaraǵan. Osylardyń arasynan 32 kásipkerlik sýbektisiniń máselesi oń sheshilip, qalǵandaryna quqyqtyq kómek kórsetildi Jer qatynastaryna qatysty 10, memlekettik satyp alýǵa baılanysty 5, arhıtektýra men qala qurylysy máselesine oraı 4, turǵyn-úı kommýnaldyq sharýashylyq salasyndaǵy 5, mıgrasııa men kásipkerlikti qoldaý, basqa da máseleler sheshimin tapty.
Mysaly, ótken aıda Elektrondy úkimet portalynda «Nurjan M» sharýa qojalyǵynyń basshysy N. Mırmanovtyń Sybaılas jemqorlyqqa qarsy is-qımyl agenttigi tóraǵasyna úndeýi jarııalanǵan bolatyn. «Antıkor ortalyǵynda" jergilikti atqarýshy organdar tarapynan ruqsat qujattaryn tirkeýge baılanysty másele týyndaǵan kásipkermen, qalalyq ákimdiktiń tıisti mamandarymen kezdesý ótkizilip, sharýa qojalyǵy basshysynyń quqyǵy qorǵaldy. Ol bul týraly agenttik tóraǵasy Alık Shpekbaevtyń jeke blogyna jazyp, alǵysyn jetkizdi
О́z jobasyn júzege asyrý barysynda ákimshilik kedergige ushyraǵan kásipkerler ashyq dıalog alańdary arqyly quqyqtaryn qorǵaı alady. Memlekettik organdar jumysyn jetildirýge de usynys berýge múmkindik bar. Bul bizdiń qoǵamda sybaılas jemqorlyqqa qarsy mádenıet qalyptastyrýǵa septigin tıgizedi.
Agenttik pen departament óz kezeginde ınvestorlar men kásipkerler úshin yńǵaıly bıznes-klımat qalyptastyrý úshin jaǵdaı jasaıdy.