Áýesqoı boksta biraz belesti baǵyndyryp, boks mamandaryn óziniń myqtylyǵymen moıyndatqan otandasymyz Tursynbaı Qulahmettiń kásipqoı boksqa aýysqany barshaǵa belgili.
Boksshymyzdyń isin júrgizetin MTK Kazakhstan menedjerlik kompanııasynyń habarlaýynsha, Qulahmet kásipqoı bokstaǵy ekinshi kezdesýin 11 qarashada ótkizedi. Ulybrıtanııada uıymdastyrylatyn boks keshinde sharshy alańǵa shyǵatyn jerlesimizdiń bul jolǵy jekpe-jeginiń júgi aýyr bolmaq. О́ıtkeni orta salmaqta óner kórsetetin órenimiz kásipqoı boksta 14 kezdesý ótkizip, birde-birinde jeńilmegen jergilikti boksshy Makleı̆ Makgoýenmen (14-0-1, 3 KO) WBC International vakantty tıtýly úshin judyryqtasady.
Aıta keteıik, Tursynbaı Qulahmet kásipqoı bokstaǵy debıýttik jekpe-jegin 23 tamyzda Almatyda ótkizip, Saǵadat Rahmanqulovty (6-2, 4 KO) tehnıkalyq nokaýtpen jeńgen bolatyn.