Halyqaralyq konkıshiler odaǵy (ISU) mánerlep syrǵanaýdan tórt qurlyq chempıonaty ótkizilmeıtinin málimdedi.
Ulttyq Olımpıada komıtetiniń habarlaýynsha, 2021 jyldyń 8-14 aqpan kúnderine josparlanǵan mánerlep syrǵanaýdan jyldyń eń mańyzdy dodasy uıymdastyrylmaıdy. Tórt qurlyqtyń basty dodasy kelesi jyly Aýstralııanyń Sıdneı qalasynda ótýi tıis bolatyn. Alaıda koronavırýs pandemııasynyń qaýpi áli de seıilmeı turǵanyn eskergen uıymdastyrýshylar jarysty ótkizýden bas tartyp otyr.
Aıta keterligi, osyǵan deıin ISU short-trek pen konkımen júgirý boıynsha tórt qurlyq chempıonatyn ótkizbeıtinin habarlaǵan bolatyn.