Ajyrasýlar kóp, onyń ishinde ákelerdiń 70 paıyzy alıment tólemeıdi. Bul týraly búgin Ulttyq qoǵamdyq senim keńesiniń tórtinshi otyrysynda keńes múshesi Lázzat Qojahmetova málimdedi, dep habarlaıdy Egemen.kz
"Qoǵamda otbasy ınstıtýtynyń tómendegeni jasyryn emes. Ajyrasýlar kóp, onyń ishinde ákelerdiń 70 paıyzy alıment tólemeıdi eken. Alıment óndirý zańynyń qatańdatylýyn qalaımyz. Ajyrasqan er azamattardyń jaýapkershiligi tómendegen. Sonymen qatar, áıel adamdar medıada zorlyq-zombylyqtyń qurbandary retin elimizde kóp nasıhattalady. О́zderin qorǵansyz sezinýde. Soǵan baılanysty qoǵamda áıel adamnyń rólin kóterýge usynys jasaımyz", dedi L.Qojahmetova.
Osyǵan baılanysty Lázzat Qojahmetova memlekettik basqarý isinde, kvazımemlekettik sektorlarda, ulttyq kompanııalarda jetekshi laýazymda isteıtin áıelderdiń óte az ekenin aıtty.
"Eger áıel adam tulǵa retinde qalyptasatyn bolsa, bul balanyń keleshegine, otbasynyń nyǵaıýyna jáne qoǵamnyń damýyna úlken serpilis ákeletini sózsiz", dedi keńes múshesi.