Qyzylorda oblysy Polısııa departamenti bastyǵynyń nusqaýyna sáıkes, páter urlyǵyn jasaýǵa qatysy bar adamdardy anyqtaý, olardy ustaý jáne qylmystyq jaýapkershilikke tartý maqsatynda osy jyldyń qazan aıynyń 19-21 aralyǵynda oblys kóleminde "Páter" jedel-profılaktıkalyq is-sharasy ótkizildi, dep habarlaıdy Egemen.kz.
Is-shara barysynda 7 páter urlyǵy izi sýymaı ashylǵan. 19 qazan kúni 38 jastaǵy aýdan turǵyny Shıeli APB-nyń kezekshi bólimine aryz túsirip, onda belgisiz bireýlerdiń jeke úıiniń esigin kiltpen iriktep ashyp kirip, "LG" markaly teledıdaryn, kompıýterin, dánekerleý apparatyn, avtokólik kiltterin jáne temir seıftiń qulpyn urlap ketkenin habarlaǵan. Polıseılerdiń jedel izdestirý jumystarynyń nátıjesinde sol aýdannyń eki turǵyny ustaldy.
Qazirgi ýaqytta kúdiktilerge qatysty eshqaıda ketpeý týraly qolhat túrindegi bultartpaý sharasy qoldanylyp, Qazaqstan Respýblıkasy Qylmystyq kodeksiniń 188-baby 3-bóligine sáıkes sotqa deıingi tergep-tekserý amaldary júrgizilýde.
Qyzylorda oblysy