О́tken aptada "Jaısań" jáne "Álimbet" beketteri arqyly Reseı Federasııasynan kólikpen ótkender arasynda koronavırýs indeti tirkelgen. Tek qazan aıynyń ishinde ǵana Mártók aýdanyndaǵy Jaısań ótkizý beketinen ótken 3700 jolaýshy tirkelse, solardyń arasynan dene qyzýy joǵary bolǵan 1190 adam karantındik stasıonarlarǵa jatqyzyldy.
Osy azamattardyń arasynan 7 jolaýshydan koronavırýs indeti anyqtalǵan. Aıta ketý kerek, tek qazan aıynyń ishinde "Jaısań" beketi arqyly Reseı Federasııasynan árli-berli 9 myń adam ótken.
Shetelderden áýe qatynasy arqyly kelgenderden ázirge aýrý anyqtalǵan joq. Degenmen, dárigerler koronavırýs indetiniń Reseıden kelip-ketip jatqandardan shyǵa bastaǵanyna alańdaýshylyq bildiredi. Indet juqtyrǵandardyń kóbeıýin boldyrmaý maqsatynda qazir óńirde 152 mobıldi top jasaqtalyp, emhanalar men aýrýhanalar 6 jyljymaly keshenne ıe boldy.
Aqtóbe qalasy men aýdandyq aýrýhanalarǵa jańa rentgen qondyrǵylary ornatylyp, 117 ókpeni jasandy jeldetý jabdyqtary alyndy. Endi taǵy da osyndaı 30 apparat ákelinbekshi.
Qazirgi ýaqytta oblysta 32 mobıldi top kúndiz-túni reıdke shyǵyp júr. Olar osy kúnge deıin 1210 zańbuzýshylyqty anyqtap, hattama toltyrdy. Munyń ishinde karantın erejelerin buzǵan 807 adam ákimshilik jazaǵa tartylyp, olarǵa 101,2 mln teńge aıyppul salyndy.