О́ńirlik týrıstik ónimdi damytýdyń jańa kezeńi

KITO TRAVEL kompanııasynyń jetekshisi Jazıra Jankına Qaraǵandy oblysyndaǵy týrıstik nysandarǵa nazar aýdarýǵa shaqyrdy. Onyń aıtýynsha, Týrpaketterge Qarqaraly, Ulytaýǵa barýdy qosýǵa bolady. «Osy oryndarǵa bara jatyp, avtomobılderdi ýtılızasııalaý zaýytyna kirip shyǵýǵa bolady. Biraq osynyń barlyǵyn satý úshin basqa óńirlerdegi týroperatorlardy da tartý kerek jáne aqparattyq týrlardy ótkizýde qoldaý qajet», dedi ol.

«Karat-týr» JShS dırektory Gúl­baný Bekbosynova Atyraý óńiri munaıly ólke bolyp sanalǵanymen, týrbıznes qonaqtaryna Qazaqstan úshin sırek qubylys – lotostyń gúldeýin usyna ala­tynyn aıtady. «Bul óte tartymdy týrıstik ónim, oǵan reseılik týrısterdi ákelýge bolady. Alaıda Atyraý – As­trahan tasjoly tym nashar jaǵdaıda», dedi Gúlbaný Bekbosynova.

Ishki jáne kóshpeli týrızm qaýymdas­tyǵynyń tóraǵasy Albına Veımer jáne «TÝI Qazaqstan» kommersııalyq dırektory Saltanat Omarova óńirdi zertteý jáne oǵan sheteldik týrısterdi tartý maqsatynda aqparattyq týrlardy uıymdastyrýdyń mańyzyn atap ótti. «Máselen, Tarazda bıyl kóptegen qyzyqty týrıstik oryn paıda boldy. О́ńirimiz kıeli jerge baı bolsa da, bıyl TOP-10-ǵa kirmegen. Bizdiń óńirimiz týraly kóbirek bilý úshin aqparattyq týrlardy ótkizýdi qoldaımyn», dep usynys bildirdi Albına Veımer.

«Atameken» UKP Basqarma tóraǵa­synyń orynbasary Iýlııa Iаkýpbaeva oqıǵalyq kúntizbege qaıta oralyp, óńir­lerde týrıstik jańa nysandardyń úzdik ondyǵyn birtindep keńeıtýdi usyndy.

«Búginde saıahattaý jáne áleýmettik jelige túrli-tústi sýretterdi salý sándi trendke aınaldy. Biraq týrısterge baǵdar kerek. Japonııa kóp jyldar boıy týrısterdi sakýranyń gúli arqyly tartyp keledi. Qazaqstan boıynsha kózdiń jaýyn alatyn tabıǵat tamashalarynyń kóp­tigin eskersek, jyl boıy týrıst tar­týǵa múmkindigimiz bar. Máselen, týrıs­ter erte kóktemde Jambyl oblysynda jaýqazynnyń, mamyrda Almaty oblysynda qyzǵaldaqtar men alma aǵashynyń, tamyzda Shyǵys Qazaqstandaǵy kúnb­a­ǵystyń pisýi, qyrkúıektiń basy – batys­ta lotostyń gúldeýin tamashalaı alady. So­nymen qatar júzim, alma, asqabaqtyń pisýin de kúntizbege qosýǵa bolady», dep atap ótti Iýlııa Iаkýpbaeva.

Týrıstik sala ókilderi jańa ónimder­diń qalyptasýyna sapaly joldyń jáne basqa da ınfraqurylymdardyń bolmaýy jıi kedergi keltiretindigine nazar aýdardy. Mádenıet jáne sport mınıs­tr­ligi Týrızm ındýstrııasy komıtetiniń tór­aǵasy Dastan Ryspekov bıyl mınıs­trlik Ulttyq palatamen birlesip, «Ju­mys­­pen qamtýdyń jol kartasy-2020» baǵdarlamasy aıasynda týrıstik ındýs­trııa jo­balaryn ilgeriletkeni jaıynda atap ótti.

«Atameken» UKP tarapynan atalǵan baǵdarlamaǵa týrızm boıynsha jobalardy qosý biz úshin jaqsy usynys boldy. Birinshi kezekte jergilikti atqarý­shy organdar áleýmettik jobalardy ilge­ri­letýge tyrysady. Eger týrızm sa­la­­sy baǵ­­darlamanyń bir ındı­katory bolsa, jo­balar sanyn eki ese art­tyrýǵa bolady», dedi Dastan Ryspekov.

Eýrazııa týrızm qaýymdastyǵynyń jetekshisi Rysty Qarabaeva usynysty qoldap, «Kazakh Tourism UK» AQ týrıs­tik naryq jáne Ulttyq palatamen bir­lesip, óńirlik resýrstar, óńirlik týrıs­tik ónim jáne týroperatorlarǵa qatysty jumysty jáne marketıngti qolǵa alý qa­jettigin aıtty. Kazakh Tourism ulttyq kom­panııasyna ishki naryqty damytý jáne Qazaqstandy shetelde jarnamalaý­da teńgerim tabý qajet ekenin usyndy.

Jıyn barysynda Kazakh Tourism AQ ótken jyldyń esebin berip, 2020 jyly týrıstik salany damytýǵa baǵyttalǵan jobalar týraly aıtty. 2020 jyly ulttyq kompanııaǵa otandyq týrıstik ónimdi damytý jáne ilgeriletý is-sharalaryna

1 mlrd 793 myń teńge bólingen. Basqarma tóraǵasy Erjan Erkinbaevtyń aıtýynsha, bes joba ishinde – qazaqstandyq týrıstik nysandarǵa arnap standarttardy daıyndaý, sonyń ishinde Qytaı, Italııa jáne Shveısarııa sapa standarttaryna taldaý júrgizý bar.

«Qaýymdastyqtarmen birge barlyq modeldi qaradyq, bizge Qazaqstanǵa saı jeke standarttar modeli kerek degen oıǵa keldik jáne bıznes-qoǵamdastyqpen birge osyndaı modeldi daıyndaý boıynsha joba júrgizip jatyrmyz. Ulttyq palatamen birlesken «Jol kartasy» aıasynda katalog pen ınteraktıvti kartany qalyptastyrý men týrıstik marshrýttardy túgendeý boıynsha jumystar bastaldy, onda óńirlerdiń barlyq oń jáne teris jaqtaryn kórsetetin bolady. Jyl sońyna deıin sanatorıı-kýrorttyq óńirlerdi túgendeý, eldegi qolónerdi zertteý boıynsha kásipkerlerge arnalǵan jumys jáne anyqtamalyq materıaldar usynylady», dedi Erjan Erkinbaev.

Salalyq qaýymdastyq agrarlyq týrızm sýbektilerine arnalǵan egjeı-tegjeıli nusqa tanystyrady. Jumys Túrkistan, Aqmola, Almaty jáne Jam­byl oblystarynda júrgizilip jatyr. 2020 jyly qazaqstandyq mektep­terde osy salaǵa qatysty arnaıy sabaqtardy engizý tájirıbesi boıynsha jumys bastalǵan. Bul aımaqtardyń tabıǵı, mádenı, tarıhı, óndiristik jáne ǵylymı áleýetine negizdelgen ártúrli oqý baǵ­darlamalaryna sáıkes jasalǵan eks­kýrsııalar men týrlar uıymdastyrý da qolǵa alynyp jatyr. Pılottyq jobada 500-den astam mektep oqýshysy tar­tylatyn 3 óńirde ekskýrsııalar jos­parlanǵan.

«Bıyl pandemııa barlyq salaǵa ózgeris engizgeni belgili. Sondyqtan bizde roýd-shoýǵa qarastyrylǵan qarajatty birneshe jobaǵa bólý kerek degen usynys boldy. Shoýdy onlaın formatta ótkizemiz, osy máseleni sizdermen talqylap, jyl sońyna deıin júzege asyrylýy múmkin birneshe sharany tańdaı alamyz», dep usyndy Kazakh Tourism Basqarma tóraǵasy.

«Bastysy, jobalardy aıaǵyna deıin jetkizý kerek, sondyqtan naqty KRI boıyn­sha jumys istegen jón. Nysandary bar kartany jaı ǵana quryp nemese qolóner, standarttar, agrotýrızm taldaýyn júrgizý ǵana emes – naqty jobalardy iske asyrýdy tapsyramyn. Sıfrlandyrý boıynsha jobalarǵa keler bolsaq, maqsatty hakatondarǵa ótý kerek. Osy rette IT naryq áleýetimen qosa, týrıstik naryq, dızaınerler, marketologterdiń kásibı biliktiligin paıdalaný qajet», dedi Iýlııa Iаkýpbaeva.

Jıyn sońynda Kazakh Tourism, «Atameken» UKP men bıznes qoǵamdastyq jyl sońynda óńirlerdiń damýyn eskere otyryp, is-sharalar men kompanııanyń 2021 jylǵa arnalǵan bıýdjetin birlesip josparlaýǵa ýaǵdalasty.