SQO Aqqaıyń aýdanynynda turatyn 45 jastaǵy áıelde osy kúnge deıin tek týýy týraly kýálik qana bolǵan. Ýchaskelik ınspektor bul faktini anyqtap, oǵan kóshi-qon qyzmetine júginý tártibin túsindirgen, dep habarlaıdy Egemen.kz.
Polıseıler jaǵdaıǵa túsinistikpen qarap, áıelge qujat alýǵa járdemdesken. Jeke tulǵasyn rastaý boıynsha qajetti suraý salýlar jasalǵan. Eki aıdan soń ol aýdandyq polısııa bóliminiń bastyǵy, polısııa maıory Rýslan Saparovtyń qolynan kópten kútken qujatyn aldy. Qazirgi tańda ol aýdandaǵy sharýashylyqtardyń birine jumysqa ornalasqan.
"Ýchaske" jedel-profılaktıkalyq is-sharasy aıasynda aýdanda qujatsyz turatyn adamdardy anyqtaý boıynsha jumys kúsheıtildi. Kóshi-qon qyzmetiniń qyzmetkerleri ýchaskelik polısııa ınspektorlarymen aýla boıy tekseris júrgizedi. Qujaty joq árbir adamnyń basynda túrli ómirlik jaǵdaı bolady, bizdiń mindetimiz aýdannyń ár turǵynyna kómek kórsetý", - deıdi Rýslan Saparov.
Mundaı jumysty polıseıler barlyq aýdandar men oblys ortalyǵynda júrgizedi. "Ýchaske" JPSh bastalǵannan beri SQO-da rettelmegen quqyqtyq mártebesi bar 162 adam anyqtaldy. Ár jaǵdaı boıynsha qujattandyrýda kómek kórsetý jóninde jumys júrgiziledi.
Soltústik Qazaqstan oblysy