30 qazanda saǵat 11.40-ta elordalyq órt sóndirý qyzmetiniń 101 pýltine Nur-Sultan qalasy Shubar shaǵyn aýdanynda Temirqazyq kóshesi boıyndaǵy eki qabatty kottedjdiń shatyry jáne oǵan japsarlas ýaqytsha salynǵan qurylys janyp jatqany týraly habarlama tústi. Bul týraly QR TJM resmı ókili Talǵat Ýálı habarlady.
О́rt ornyna saǵat 11.47-de Nur-Sultan qalasy TJD kúshteri men quraldary kelip jetti. О́rttiń aldyn ala kólemi 150 sharshy metrdi qurady. Qaza bolǵandar men zardap shekkender joq. О́rttiń shyǵý sebepteri anyqtalýda.
О́rt saǵat 12:10-da oqshaýlandy, saǵat 13.24-te sóndirildi. О́rtti sóndirýge Nur-Sultan qalasy TJD, Apattar medısınasy ortalyǵynan, jedel-járdem brıgadasynan, polısııa departamentinen 34 qyzmetker men 9 birlik tehnıka jumyldyryldy.